港人斥堂食麥當勞猶如置身垃圾站：以前啲經理好注重Lobby清潔！
該名港人拍下2張照片，從中可見幾乎每張枱上都有一盤盤進食完畢的餐盤，無人清潔。事主形容「堂食好似喺垃圾站咁，而家啲管理層真係曳，廿年前做麥記，啲經理都好注Lobby清潔」。
網民：20年前無可能會咁
不少網民表示自己經常發現同一問題，且不止發生於一間分店，「20年前我都係做麥記，咁樣嘅lobby真係會畀人X死，而家時代唔同了」、「以前冇可能咁情況，以前好注重QSC」、「而家唔會注重呢啲，當年連摺毛巾都有講點解咁摺同點用，而家見到唔會摺毛巾」、「以前經理見到咁，一定鬧死你班友，而家10幾個人逼喺收銀入邊，無一個肯出嚟執枱」。
另外，亦有網民反怪香港人不自律，指「係香港人素質問題，如果人人食完都會自己拎去垃圾桶就唔會有呢個景象」，但即時被反駁，指「試過自己掉，畀阿姐話我掉得唔好」、「我都試過執，因為我要開餐，執執人哋個盤，一嘢倒晒落垃圾桶畀人鬧唔係咁做，害佢要執返出嚟」、「你幾時見大家樂大快活會有盤未執，咪將員工應份既工作推比香港人啦，我夠知人哋外國啲人會自動執，咁唔代表香港人唔執就係有問題囉」。
「員工咁做係情有可原」
亦有網民指「員工咁做係情有可原」，事關大家都認為薪金和工作範圍不可分割，指「你幾時去見工？叫佢哋畀45蚊工資你，你去執」、「返夜晚凌晨咪有$60，返到11點夜晚都係$50咋，仲想人執埋垃圾？真係好心高小小人工啦，落少啲廣告，搞好啲間鋪仲好啦」。
