麥當勞新一年又畀港人鬧爆！繼早前新年買早餐「踢晒腳」而被客人投訴之外，近日有港人討論區開Post鬧爆「買飲品無膠袋」，無論凍飲還是熱飲，要膠袋需額外加$1。有人解釋指香港政府在去年12月31日起，把塑膠購物袋收費由5毫子提高至1元，望可以減少市民濫用膠袋的習慣，店員只跟規矩做事。不過做法就令極多人不滿，指超唔方便，更聯絡客戶服務部，但結果竟然大反轉，令人指責「唔問都唔講」，超級不滿！

麥當勞新一年外賣飲品不提供膠袋示意圖，非當事人）
麥當勞新一年外賣飲品不提供膠袋（示意圖，非當事人）（圖片來源：ViuTV《季前賽》截圖）

麥當勞外賣凍飲不提供免費膠袋　額外加$1被鬧爆：有無腦啊究竟！

隨塑膠購物袋徵費提高及取消盛載冰凍或冷凍食品的豁免，不少餐廳也因修例而收緊提供免費膠袋的要求。有網民在麥當勞買外賣時投訴「知你好環保但起碼整個紙卡比人拎啦！用手拎一黎又難拎，凍飲整到隻手又凍又濕，手溫仲加速啲冰融化，老麥啲管理層有無腦嫁？」。

麥當勞 示意圖，非當事人）
網民懊惱管理層有否認真想過（示意圖，非當事人）（圖片來源：電影《麥路人》截圖）

事件引起網民共鳴

事件瞬間引起了不少網民的共鳴，指「嗰日我買勁多人問，之後知道要另外俾一蚊個個掉頭走」、「熱飲連個隔熱墊都無，膠袋又唔畀，咖啡蓋又唔實係咁滴，係咪傻㗎」、「真心XX，佢跟足法例唔畀膠袋都算，你都畀得紙袋，點解唔畀個紙既野抽住個杯」、「其實用下個腦都知無可能會就咁唔用袋徒手拎走」、「無手攞先係最大問題」。網民表示膠袋只是貪可以用手指勾著凍飲，可以拿更多的外賣，若果一個客人買多個套餐有多杯飲品，沒有膠袋如何處理呢？「麥當勞外賣紙袋已沒有手抽位，現在連飲品都要徒手拿的話，實在太不方便」。

麥當勞 網民表示飲品都要徒手拿的話，實在太不方便！示意圖，非當事人）
網民表示飲品都要徒手拿的話，實在太不方便！（示意圖，非當事人）（圖片來源：ViuTV《季前賽》截圖）

港男不忿主動聯絡客服　回應竟令情況大反轉：真係唔問唔講

有人解釋麥當勞都只是出於好意，跟足法例並響應環保而已。但網民們不認同指法例中外賣是納入豁免范圍的，麥當勞應提供免費膠袋予客人，更找了麥當勞官方客服問清楚，麥當勞客服表示為響應環保，如顧客只有一杯飲品，職員是不會主動提供飲品袋，但若果客人有需要麥當勞仍會免費提供。

麥當勞 網民不忿主動聯絡客服的對話內容
網民不忿主動聯絡客服的對話內容（圖片來源：Lihkg討論區）

圖片來源：LIHKG討論區、ViuTV《季前賽》截圖、電影《麥路人》截圖、IG@keung_show、unsplash@brett_jordan