光榮米線結業丨網民轟觀塘工廈食肆4宗罪
觀塘駱駝漆光榮米線早前於社交平台宣佈，上月收到地政總署通知，指觀塘駱駝漆只准用作工業及貨倉用途，要求光榮米線停業，否則向業主釘契。
光榮米線結業丨1. 「淨係地下排隊等lift都有排等」
要去駱駝漆大廈覓食第一關就是要先等到電梯。因為駱駝漆大廈內除了餐廳還有不少商戶、辦公室，因此進出的人士極多，特別到午膳時間，就會出現長長人龍，有網民直言「部𨋢好恐怖」、「等電梯上樓又耐又熱」，非常辛苦。打工仔食飯時間有限，等得來不少人都會寧願去附近吃就算。
光榮米線結業丨2. 「工廈價錢仲貴過中環，唔知憑咩」
駱駝漆大廈屬工廠大廈，客觀感覺都會因為舖租較便宜所以物價也會較低，但不少網民都表示駱駝漆大廈內的餐廳價錢比得上大商場內、甚至中、上環的價位：「個價仲貴過中環」、「以為舊區都唔會太貴，點知餐餐都差唔多成舊水」、「唔明點解工廈都咁貴」、「工廈啲嘢賣得仲貴過地鋪」
光榮米線結業丨3. 「上到去啲走廊焗到PK」
因為工廠大廈結構的關係，走廊沒有窗口，加上人潮和餐廳煮食的熱氣，令到每一層的走廚都會又焗又熱，排隊等入座時已經辛苦，餐廳內的冷氣又未必夠涼，不少打工仔食完都會成身汗，非常不舒服。
光榮米線結業丨4. 「嘢又唔係特別好食」
駱駝漆大廈之所以被追捧，都是因為有不少特色小店，不過不少網民都覺得其實食物並沒有如一眾IG foodie或 YouTuber所指般好吃：「真係冇一間會食完返轉頭」、「西餐收酒店價錢俾茶餐廳質素」、「中環價錢，深水埗質素」，更點名多間食店「又貴又難食」。大家又覺得駱駝漆大廈的食店質素如何？
