行人「衝綠燈」都出事！ 市民被罰款$2,000
有網民在Instagram上分享相關影片，片中拍着旺角匯豐銀行對出十字馬路，當時可以見到行人過路燈是紅燈，隨後鏡頭一轉就見到有市民被多名警員截停並因被罰款$2,000。據樓主所描述「綠燈斬（眨）緊燈嘅時候衝入去（過馬路）一樣會中招㗎」，相信被罰款的市民於行人過路燈「閃綠燈」時過馬路而被捉到。樓主最後提醒「旺角捉過馬路啊，提醒大家唔好亂咁過啊，我老竇曾經有1次試過，眨燈過馬路一樣被人捉，罰咗啲錢。」
在 Instagram 查看這則貼文
網民反應兩極「支持執法」VS「感到質疑」
有部份網民質疑對於為何「閃綠燈」同樣要被罰而感到不解，對執法標準提出質疑，直言過馬路途中閃綠燈應該點處理：「其實綠燈閃緊又未正式轉紅，即係仲係係合法範圍內，點解唔過得？」、「有啲燈一開始綠公仔就會閃咁點算？係咪過唔到？」、「乜閃燈唔係主要用來通知行人行快兩步咩？」、「過到一半先閃燈又應該點？」、「行到一半，中途，綠燈閃，咁我有沒有犯法？」
不過有不少網民就表示支持並解釋「綠公仔閃緊都不能過，這是很多年的法例，很多人都已經忘記」、「綠公仔閃緊已經唔可以過，除非你踏出之際先開始閃，但都要預到底你係行唔行到去對面」、「明知捉人都照行，那就沒辦法了」、「呢個位咁熱門仲膽亂嚟？」、「貪一時之快！銀紙跌得快！」、「企晒人都比人捉果D真係抵」、「成件龜背棟咗喺度，你仲行，唔捉你捉邊個？」
「閃綠燈」可唔可以過馬路 運輸處咁解釋！
根據運輸處資料，當行人過路燈「綠色人像」燈號閃動時，就不可開始橫過馬路。另根據《道路交通（交通管制）規例》（香港法例第374G章）第33(6)條規定，在交通燈控制過路處，行人必須遵從交通燈指示，任何「無合理辯解」違反條例者，可處罰款$2,000。換言之，如果行人在過馬路前已經見到「閃綠燈」，就不可以過馬路；但如果過馬路走到一半才「閃綠燈」，請盡快在「轉紅燈」前過完馬路。
