港男打工8年見盡畸形職場生態 難忍4大事件終移民
1.身體不適仍然工作
樓主提及到有同事身體問題入院，不過仍然堅持工作：「同事返工返到暈左，即刻送去醫院，之後問返係急性盲腸炎痛到暈左。開完刀第二日叫老婆嚟公司拎部電腦同charger，俾佢係醫院覆野。」
2.親人離世居然咁講…
樓主表示老細的父親離世，對方居然講1句心寒説話：「佢嗰日照OT，出殯嗰日出左去幾粒鐘搞完白事就直接返公司，仲講咁就一了百了，唔洗成日出入醫院，做嘢唔係好方便覆客覆得慢咗，
呢個老細好鍾意成日問人買咗樓未，未買就要勤力啲做嘢」
3.放年假仍然處理公事
放假意味不用工作，不過樓主就有同事提早申請年假與妻子去旅行，豈料出發當天仍然工作：「出發嗰日跟開單job有問題，結果佢即日半夜飛返香港第二朝開會，個假期就咁冇咗」
4.瘋狂OT供樓 導致婚姻破裂
樓主提及到身邊有同事因為要供樓，因此非常重視自己的工作，並日日瘋狂OT：「搏升做埋老細啲嘢，講緊日日OT到9點，星期六照返公司做嘢，結果係結咗婚年半就離婚，老婆一蚊都唔分佢就咁走左」
網民反應兩極「香港人太功利」VS「想過好生活有咩問題？」
這位打工仔強調「呢幾單野係發生係同一間全香港人嘅外資公司」，由於人工客觀因此強忍3年，儘管如此仍然會出現「有幾次真係收工廿幾歲人係條街喊」的情況出現，甚至在離職當天被老細鬧「懶同垃圾，係香港唔會生活到」，因此樓主表示深深體會到香港生活瘋狂的壓力，會令人變得唔正常，亦令他選擇離開香港到外國發展，他的帖文引起網民共鳴。
大家紛紛留言表示：「為供樓去到好盡㗎，嗰種無工開嘅心情會令到人變態」、「坦白講初入職場，以為人人都value work life balance，結果係身邊個個都比自己勤力、有承擔，同埋識擦鞋去生存，發覺到自己唔做呢啲嘢唔調整心態， 真係唔會升到職，一世做窮X打工仔」、「做窮撚打工仔日日計住一個幾毫，定係返工辛苦啲，但係有得住靚樓、開靚車、食好西、去豪遊，咁我揀後者」、「香港人太功利，所有嘢嘅價值都取決於你搵唔搵到錢」、「呢個係黃種人嘅問題，唔只職場係咁，連小朋友都係，個個老豆老母都話唔做怪獸家長，要愉快環境成長，結果入到幼稚園見過其他同學仔個個報幾十樣嘢，又驚自己個仔女比下去，結果咪又係跟住報，做埋怪獸家長，除非脫離呢個華人圈，否則生生世世都改變唔到」
