00後畢業生高呼「offer2萬5係底線！」 3大原因絕對受得起
有網民發帖文強烈建議畢業生不應該接受低於25,000港元的工作，直言背後有3大原因：
1.樓主表示現時香港缺乏人才：「就算係水泡科都好，唔好俾老闆大到壓你價，因為佢地都請唔到人，要搶人才就要付出金錢。」
2.其次，就是大學生花時間讀書，值得更高的人工：「譚仔都19k，巴士司機都23k，大學生花左咁多光陰讀書，點會唔值25k。」
3.最後亦是最重要的一點：「一開左就壞頭，之後加人工既幅度一定唔及同學朋友。因為再轉工時，班老闆會睇住你last salary再出價俾你。」同事提醒其他修讀專科的畢業生「專科（ie. Acct，IT…）嘅人，讀得專業嘅planning都會好啲，就自己諗個底線40k up or 50k up。」
網民反應兩極「一齊叫高個價唔好咩？」VS「憑乜咁高人工養你」
為此，引起不少網民激辯，同意的人紛紛留言表示：「最搞笑就係平時啲打工仔都會x人工唔夠高，見到人哋想嗌高價，就即刻當咗間公司係自己，喺度x人哋真係好x戇x」、「其費大家一齊叫高啲個價錢唔好咩？啲人成日喺度笑00後唔值得有呢個價錢，咁但係明明如果大家一齊嗌高個價錢其實最後得益嘅都係勞工，點解要喺度諗方法幫老細慳錢？」
不過亦有網民反對，認為畢業生根本沒有資格這樣的價格：「但係你呢啲咁嘅00後，啱啱grad冇x都唔識又唔肯做又唔肯學又遲到早走成日放假，憑乜嘢用咁高人工養你」、「點解譚仔18k 有degree就一定要有25k? 個邏輯關係喺邊?」、「飲食人工高過FG office文員仔我覺得好合理喎，人哋一個禮拜番6日，每日10個鐘，同你番office 一至五番9個鐘梗係唔同人工。」、「過5年之後就到你指住班fg話：你邊值25k」、「建議堅持25K唔好妥協，你唔做大把人做，仲有卷慣既專才揀」、「老細/HR直頭望到 freahgard 25K 已經close file，人工高過全港六成人喎，你至少要每個月幫公司直接搵返 兩萬五千先啦係咪啊」
