港人尖沙咀被內地人問路：請問侏儒村係邊？
近日，就有港男在Threads上發布帖文，表示在尖沙咀遇到內地遊客問路「侏儒村」，由於事主從來沒有聽這個地方，因此對方就震驚表示「不會吧，侏儒村都未聽過」更分享侏儒村的照片，令事主當場驚訝地「X咗出聲」，原來「侏儒村」是服裝品牌「G2000」，由於讀音太過相似，所以才會引來誤會。
網民分享相似經歷：咩係「被系水」
這段帖文引起網民熱烈討論，有人表示這則笑料在早幾年已經聽過：「侏儒村呢個gag真係流傳咗二、三十年」，不過就引來不少網民分享相似經歷：「好耐之前番馬拉松有個大陸人入黎問：請問這裡有斯凱琪嗎？我and同事：薛凱琪？ 然候佢指住自己對鞋Skechers」、「曾經喺海港城俾大陸人問知唔知『渣拿』喺邊」、「以前做餐廳，有大陸人：禾想要被系水，我：系水？同事：佢要水……我：哦哦哦！（原來佢講白開水），我差啲原地大笑」、「我都比人問過我，你「箱耐黑」在哪買 （原來係「你對nike 邊到買」）」
網民望港人包容：要克服被嘲笑的心理障礙
亦都有網民表示：「我反而欣賞佢用廣東話問，而唔係老馮我要用普通話」、「作為內地人都想說，學習廣東話都要克服被嘲笑的心理障礙不敢開口。也希望大家將心比心，說不是自己母語的時候是否都害怕被嘲笑，對方如果磕磕絆絆也願意講願意學是否能多釋出一些善意。」、「其實香港人去內地或者外國，由其係英國，佢哋都會包容港式普通話同港式英文，點解香港會有人嘲笑佢哋講廣東話或者粵語？真心唔明，感覺亦唔舒服。香港嘅廣東話係别樹一格，就算係廣州，新加坡或者馬拉，佢哋識粵語，都會唔明香港人嘅廣東話。」
