香港機場慘遭批「千禧年前產物」 不及深圳機場
近日，Facebook群組「深圳大灣區國內吃喝玩樂開心分享區」有網民曬出多張深圳寶安機場的照片，震驚表示：「個機場真係直逼香港」，不少網民更列出3大理由超越香港機場，又紛紛留言：「根本香港所有嘢都已經被內地過晒頭，啲人仲以為香港有優勢」、「好多井底之蛙」、「香港機場係千禧年前的產物，已經早過時啦」、「深圳寶安機場靚好多」。
1.網民嫌去香港機場車費好貴 深圳去機場僅$X
首先，網民表示在香港搭地鐵去機場車票高昂，難以負擔，根據港鐵官網的價目表，使用八達通從青衣站乘坐機場快線前往機場要港元$65，從九龍站乘坐則要$100，而從香港站乘坐則高達$110，令網民難以接受，直言：「淨係地鐵直到，8元可以返到福田口岸，已經領先香港。」、「未起飛，價錢已離地！」
2.網民稱香港機場係美食沙漠 貼錢買難受
除此之外，網民認為車費收費貴都不在下話，不過機場內的餐廳消費高兼唔好食，就萬萬不能接受，而選擇更不如深圳寶安機場多，根據兩個機場所提供的資料，香港機場擁有52間食肆，而深圳寶安機場就以62間領先香港，因此網民留言表示：「主要香港機場仍然好細，同埋餐廳又貴又難食，影衰香港」、「香港機場食嘢好唔掂，食咩都要排長龍」、「今年去，我覺得深圳機場內有好多嘢食，零售小店也不少」。
3.深圳機場地勤人員服務態度令人滿意
最後，就是當地的機場服務，有網民分享：「4月底去上海時，不知道要提前30分鐘上機，同老人家走咗去食野，準備回去時，收到電話，原來全機人都上晒，航空公司打電話call我上機，等我關艙門，全機最後一人，這服務香港應該沒有。」
港人怒指：根本就係到盲吹！
不過，就有網民持相反意見，怒指上述網民盲吹，又指深圳寶安機場於1991年10月啟用，對比下香港機場較為新淨，大家又留言表示：「唔好盲吹，我喺大陸做過幾年嘢，大陸機場係大係新，但冇有趣嘅零售睇、冇好嘢食、大得嚟行餐懵，delay極嚴重、過關查餐懵，關員極無禮。香港機場相比起嚟最舒服！」、「 香港新機場已經運作左4分1世紀，各有優勢，應該互補不足」、「你坐內陸機睇下機場嗰邊咩環境」。
