行李提領處疑驚見小童偷行李
該名女事主在Threads上以「今日喺機場差啲俾人偷咗個喼」為題發文，表示自己於上周日（2/2）當日搭飛機從日本返香港，抵達後在行李提領處等行李：「諗住由得個喼轉過嚟，所以無去出行李口等」，隨後事主朋友見到1名女孩拿走了她的行李，她們隨即上前把行李取回，並質問她「做乜拎左我個喼？」，原本女孩在講電話，被制止後「二話不說即刻走左去」。
女事主本以為女孩不小心拿錯行李，但隨後朋友見到女孩居然走向一位成年女性：「佢之後跟左一個女人一齊，而個女人同細路女都係講普通話。佢地根本唔係等喼，之後仲要走埋。最可惜係我朋友無影佢地相」事主又指「搭左咁多次飛機，等左咁多次行李」，不禁感慨第一次遇到如此荒謬的事情，並提醒大家在機場島不能掉以輕心，「大家真係要小心啲，原來機場係咁唔安全」。
香港機場疑驚見小童偷行李 網民震驚：好唔安全！
帖文引起網民熱烈討論，不少網民都表示「近排真係聽多咗話係畀人偷喼」、「好恐怖」、「一路都覺得呢個位係好唔安全，如果過關遲咗隨時俾人嚟手拎走咗都唔知」、「如果拎錯一定唔會就咁走咗去，應該會去返行李嗰邊搵自己嘅行李」、「機場本身多老鼠」、「大家要有所警戒」。另外有位自稱做過航空公司行李部的網民直言：
「其實好常見，尤其是R字頭行李箱或者日本航班，因為冇人check行李牌，好多機場老鼠，最後尾都係搞到航空公司賠。 重要嘅要講三次，機場真係好多賊！機場真係好多賊！機場真係好多賊」
此外，有不少網民都留言分享相似經歷「好多年之前試過去完泰國返黎pack左箱野比人偷左，個紙箱我地本身驚比人拎錯已經貼晒貼紙做晒mark，搵返個箱時係喺行李帶遠少少無咩人嘅邊位，一架無人看管嘅行李推車上面仲有其他幾件野 我直接拎返自己箱野，其實肯肯定唔會拎錯，我覺得係有人博懵拎左擺埋一邊睇吓有冇人發現，等人走晒先一野車出去」、「我上個月去咗珠海，好少人架啦個關卡，得十零人，我後邊個女人托人拎咗gap過咗海關事然後放底，佢友人就咁走咗去廁所， 然後居然有人走埋去拖墟個gap 成個場係十零人，冇可能搞錯，必須小心」、「我都試過類似情況，見住自己個喼轉緊過嚟，就差十步左右正準備拎，突然唔見咗，我即行前睇吓，點知個喼就比人拎咗放响地面！因為當時好多人企响度遮住视線，完全唔知邊個同我拎左出嚟！ 所以等行李真係要睇到實！」
