內地最新推出「刷掌支付」 港人：香港仲講緊實體卡八達通
近日有網民在Facebook群組「深圳大灣區國內吃喝玩樂開心分享區」分享在內地體驗新推出的「刷掌支付」的感受，當中表示：「剛在深圳成功開通並使用微信刷掌支付，唔帶手機也可以使用，非常方便！」，據了解這項技術採用「掌紋+掌靜脈」識別系統，只需要提前在個人微信帳號錄入掌紋，就可以成功支付。現時內地部份地鐵及便利店採取這種支付方式。帖文引起不少網民討論，當中高呼「好鬼有型」，更細數電子支付的5大好處，又言：「內地的支付方法，香港點追呀！」、「希望香港可以盡快用，有望可以放棄八達通」、「香港仲講緊實體卡八達通」。
1. 非常方便，減少攜帶隨身物品
現時香港人出門口，相信都要拎電話、銀包、鎖匙等等的重要隨身物品，因此有網民認為內地新推出的「刷掌支付」非常方便，出門時可以減少攜帶物品：「唔使攞手機出黎真係贏晒」、「完全唔洗帶錢出門」、「帶個人出街就得！」
2.無需網絡亦可以支付
以往如果需要使用支付寶、微信等等的手機支付軟件，由於要掃描二維碼，因此都需要再有網絡信號的環境才能完成交易，不過這種「刷掌支付」就可以解決這個問題：「到時返深圳就唔使擔心冇數據」、「到時真係一收工，乜都唔使帶就去深圳玩」
3.唔使擔心電話冇電
大部份人都機不離手，因此電話都很快出現低電量的情況，不少人擔心一旦電話熄機，就不能透過電子支付交易，不過有了這個就不一樣了：「以後唔使臨急臨忙借尿袋」、「喺冇電嘅情況下都可以畀錢，真係有返晒啲安全感」、「到時喺大陸伸下隻手就可以借尿袋。」
4.唔擔心安全問題
除了要登記面容訊息，還要登記手掌紋，不少人擔心自己的私隱被洩漏，不過一班港人認為唔驚，又表示：「唔覺得有乜問題，行得正！企得正」、「你一出世就已經冇私隱架啦白痴，你住邊，做咩工，幾點出世，你老豆老母係邊個，有邊樣政府唔知，用下個腦諗下啦」、「指紋跟隱私有什麼關係？」
5.隔空驗證更衛生
自從疫情之後，不少人更加在在個人衛生，而無論電子支付還是這種新式「刷掌支付」，在零接觸的情況下已經可以成功交易，因此認為比一般的支付方式更加衛生：「以後就消毒少一樣嘢」、「香港仲要拎住張八達通拍嚟拍去真係攞命」。
網民反擊：驚畀人斬咗隻手落嚟
不過亦有網民反擊指：「你不怕人家斬掉你的手掌去銀行提款機刷錢嗎？」、「已經有人臉識別，已經咩都唔使做，郁都唔使郁。 點解仲要俾手掌支付？」、「我驚畀人斬咗隻手落嚟」。
