網民細數7大理由唔再幫襯餐廳
1.唔好食
作為一間餐廳，其食物質素及味道當然是當中之重！不過香港餐廳質素每況愈下，更有不少網民指香港食飯經常中伏，多數每間餐廳只會吃一次，「啲嘢難食到唔會想去第二次」、「一次無回頭」。
2.餐廳環境衛生惡劣
除了食物味道外，餐廳的衛生情況都很重要。若餐廳環境污糟實在是相當趕客，「啲餐具有跡都接受唔到」、「試過見到小強，即走！」、「有老鼠、小強真係好差」。
3.無跟餐飲
一般餐廳套餐都會附送餐飲或是跟餐優惠，不過有時都會有例外。若不是套餐價，單叫一杯餐飲便很昂貴，有網民更指「一杯凍檸茶都要十幾蚊，飲唔落」。
4.冇紙巾提供
近來不少餐廳不提供紙巾，有餐廳更要加錢購買才有。一眾網民都大鬧食飯沒有紙巾真的很不方便，「想抹下嘴都唔得」、「最憎要我畀錢買紙巾，明明呢啲係餐廳基本嘢」、「唔係講緊一盒盒紙巾畀你用，係連一張紙巾放餐具都無」、「食辣嘢點可以冇紙巾」、「冇紙巾嘅餐廳即罷去」。
5.收加一服務費但零服務
近來愈來愈多間餐廳設QR code自助落餐，換言之店員不再親自過來點餐及服務，但依然有收加一服務費，這令一眾食客大鬧：「收加一服務費但零服務」。
6.搭枱或要轉枱
香港餐廳地方淺窄，位置又少，有時候要和其他客人搭枱都是無可避免的事。但有網民就對此表示不能接受，「要搭枱一定唔去」、「搭枱食飯真係好尷尬」。另有網民指搭枱都算事小，試過要食到一半轉枱，「一餐飯要我轉幾次枱」、「食食下要轉枱真係好忟」。
7.店員太熱情
經常聽說香港餐飲茶服務差、態度冷漠，但網民就有相反意見，有人指不少餐廳店員非常的熱情，甚至讓他們招架不住 ：「幫襯多咗之後太熱情，唔敢再去」、「其實我入間餐廳係想靜靜地食飯」、「唔使咁熱情，好尷尬」。原來店員太熱情都會趕客，令人相當意外！
