西客阻人收工衝入餐廳食飯 要求多多阻人放工
話說投稿事主是一名西餐廳經理，餐廳於晚上9點15分就會截單和進行打掃，而有一日事主遇上一位西客，該客人於9點14分進入餐廳並要求堂食。經理向客人表明，只賣剩意大利粉，但西客堅持要吃，並指自己是在截單前進入餐廳，該行徑令事主和同事都大感不滿，不要阻人收工是常識吧！
西客投訴員工在清潔 影響食慾！
其後西客更指員工在清潔期間，令塵埃飛揚，十分不衛生，更影響其食慾。事主察覺其實同事在打掃期間，已刻意不在事主附近範圍清潔，認為對方是有心為難他們。事主都有向客人指出餐廳將於10點打烊，所以需要打掃，怎不料對方回覆：「收工大曬啊！我畀錢食嘢要受你地氣！又話賣曬得翻意大利粉又要食塵！」。
事主表示如果客人希望避免有如此問題發生，可選擇去另一間餐廳進食，或者下次於更早時間光臨餐廳。客人卻回道：「唔鍾意可以唔做我生意㗎！家下又想賺錢又嫌我遲食飯，你都幾搞笑！」，而事主亦表示是客人要求以一分鐘之差進內進食，並不是真的想做對方生意。
客人要求轉做外賣 廚房佬出嚟一秒KO
客人其後要求將食物轉做外賣，而經理亦要求收外賣盒和膠袋費用。怎料對方回應：「2蚊！？黑店嚟㗎！你哋舖頭咁乞衣嘅一個膠盒唔係五毫子定一蚊咋咩！」，事主亦機智向對方表示膠袋更要再收5毫子，對方再道：「政府話五毫子咋！我唔會俾多你地！」。
這番話過後，就連在廚房的廚房佬都開始「燥燥地」，並表示膠袋和外賣盒是兩樣東西。但客人還是堅持外賣費用只會付5毫子。廚房佬終於爆Seed，霸氣地把意粉向膠袋中倒去，邊說道：「五毫子係得膠袋你要唔X要啊！」。最後因廚房佬的霸氣而令該客人敗走。
不少網民都紛紛認為事主和同事的做法是正確，認為是客人刻意令事主難做。而不少網民都希望為廚房佬的做法俾Like。但都有小部分網民認為其實事主不應該如此對客人。
