一家三口親子旅行同遊飛田新地？
帖文一出令網民震驚表示「小朋友去飛田新地？」而樓主就解釋：「老公要求，我同仔仔到時可能先去天王寺動物園等老公。」事關飛田新地為日本著名紅燈區，當地有多間風俗店經營，同時被稱為「男人天堂」。因此有不少網民聞言忍不住留言：「冇娶錯老婆」、「有冇咁大方啊！」、「呢啲老婆先聰明，一朝早俾佢去，乜都未開門，有得睇冇得食」、「一早去未開門，任你行三個鐘又如何」、「東京Version：大久保公園」。
網民質疑事件真實性：邊句真？
在一班網民的解釋下樓主馬上道歉「認白痴」，不少網民見到樓主解釋解開心中疑惑，笑言：「即刻去扭老公耳仔」，不過亦有網民質疑帖文純屬搞笑，直言：「嗰頭話係老公要求，呢頭又話係安排俾老公，邊句真？」、「女版 matt leung」、「假膠啦！特登寫3小時，其他地方點解唔見佢咁寫」。
飛田新地係咩地方？
「飛田新地」（日語：とびたゆうかく Tobita Yūkaku）又名「飛田遊廓」，是日本關西最出名的紅燈區，位於大阪市西成區。上世紀五十年起，日本禁止賣淫，但是這裡的風俗店依然以料理店的名義經營。「店員」會於晚上在門外等待客人，光顧用餐就可以跟她們「自由戀愛」，吸引不少遊客特地前程觀摩！
