颱風小犬｜網民大罵天文台：不如你教下我點樣唔濕返工！
對於天文台宣布改紅雨以及11時40分改發三號強風信號後，唔少打工仔都即刻趕住起行返工，網民再次湧現到天文台facebook專頁大鬧，認為現時各區仍然勁大雨，加上十一點改發後一定會出現大批人迫返工，感到相當不滿「上次預計唔到黑雨，今次預計到紅雨。依家越落越大呀！」「咁樣叫紅雨？一陣返工大混戰真係多謝晒」「紅雨大過黑雨，要有人傷忙先開心！你要開市明白，但你要睇番公眾安全」「港島好大雨啊大佬」「出面咁嘅環境，掛紅雨嗰個對唔對得住自己嘅良心？」「平時話暴雨好難預測，但轉紅就可以一小時前預告」「開市比市民安全更為重要」
颱風小犬｜勞工處：唔一定要2個鐘返工！
勞工處《颱風及暴雨警告下的工作守則》提及「僱主和僱員應預早協商在八號信號或黑色暴雨警告信號取消後，在安全和交通情況許可下合理的復工或在家工作安排。」然而，香港大部分公司的準則要求僱員應盡量在2小時內返回工作崗位。以致當天文台取消八號信號或黑色暴雨警告信號後，一眾打工人士要匆忙出門上班。
