天文台10:20改掛3號風球！網民湧入天文台鬧爆　最好呢個鐘數落！

但有打工對天文台於10:20改掛3號風球一事表示不滿，湧入天文台的Facebook專頁嬲爆：「我呢邊真係幾大風，聽到出邊wuwu聲，掛8號都好合理」、「其實掛多半日好難咩？」、「啲小朋友又唔洗返，又無人睇住，飯又未食，但要準備飯餸，又要返工」、「其實鐘意睇大遷徙可以移民去非洲，唔好滾搞最鐘意返工既香港人⋯大家都為啖飯，可必為難上班族呢」、「一早嗌晒波唔可以亂升㗎啦！係咪死都要同市民過唔去呀」、「1點lunch，又要逼餐懵返工返去得少少時間又做唔到啲咩」等 。

但亦有網民讚天文台：「老實講，唔係個風突然行北左，基本上8號可以慳返」、「今次天文台掛8號合理，抵讚，桃芝行北咗更接近香港是事實」、「為大眾安全著想，掛8決定正確且合理，畀個讚給天文台」、「天文台作用唔係畀你放假，依家都已經一早講清楚掛到幾點，自己有心理準備返工啦」等。

有網民建議：最好掛多20分鐘 vs 早上6點落波！

對於落波的時間，大部份網民都認為10:20落波太遲：「連風眼都無乜型嘅風，早上6點就可以落波啦」，有網民認為10:20太早：「畀多10分鐘俾下午校都停課」、「下午校同夜校學生，10點30就唔洗返，你10點20分落」、「而家12:20 pm 前要返到公司，1:00 pm 出去食 lunch … 很不方便呀！如果 11:00 am 才改發三號風球，1:00 pm 才需要返到公司係唔係好啲呀」等。