靚媽月租40萬住名人豪宅 花園連客廳已4千呎
靚媽指自己月租40萬租住豪宅，除了老公及兒子同住外，還有兩名工人姐姐和一名廚師。她本身在淅江擔任大學教授，後來轉為從事藝術行業，因而家中也有不少藝術收藏品。而她介紹下可見，豪宅除了有超大客廳和花園外，飯廳（靚媽稱為餐廳）亦有開揚景觀。拍片者大讚飯廳有落地大玻璃，感官非常舒服，靚媽即指因自己是溫洲人，請的廚師煮得一手好溫洲菜，飯廳的氣氛都是配合喜好。
另外，她兒子也有自己獨立房間，房內更有不少人兒時夢想有的玩具房，更有超大獨立廁所，相當闊落。至於主人房方面，同樣有獨立廁所，更有1間「走進式」的衣帽間。而屋內地庫位則為工人姐姐的房間和洗衣機的位置。靚媽指這間屋要買的話最少5-6億港元，所以以月租40萬而言都不是太貴，可接受範圍。加上豪宅的位置也可稱得上是名人豪宅，事關據她所指，上一手的住客是粵曲天后，而劉德華、張國榮也曾住這裡。
拍片者亦在訪問中問到靚媽，自己當初如何在港「站得住腳」，靚媽即指自己一路都做事拼搏，來港自己創業從沒人脈，自己除了會保養藝術品，同時也從事珠寶藝術公司，一直以來都是勤力做事而得來成就。
林作出聲抽水：同我媽一樣有錢
訪問出街後，不少網民重點放在靚媽的外表上，指「個樣又真係幾靚有氣質」、「但套衫真係唔掂，佢著呢對拖鞋好肉酸」、「呢條裙咁大個蝴蝶結，一啲都唔貴氣」。除了外表上的評價外，最多人討論的還是「豪宅內容」，就連林作都忍不住發聲，留言指「和我媽一樣有錢哦」，惹來網民熱烈討論。
另外，更多人質疑靚媽的說法，指「3個人兩大一小，但會請廚師？真係唔信佢住緊呢間屋，佢似sales多過似主人，老作多啲，不過揾到間屋借比你拍先好嘢喎」、「白加道都可能唔洗40萬，好想知係邊度」、「租金40萬，請問她一個月收入是多少才是重點，做珠寶藝術可以有咁高收入？」、「如果真係咁有錢，點解唔係買呢間屋，而係用40萬每個月去租」、「房子咁大，只有2個工人姐姐，工作量好大啊」、「吹牛吹到口爛啦」、「笑一笑就好，賣廣告，大家不用當真，也不用再看」、「買件名牌佢著先學人扮貴婦啦」、「點會有咁高收入，如果月入咁多，佢口中嘅藝術一定另有意思」。