網民報料惹公憤 妄顧其他駕駛者安全
有網民於《馬路的事討論區》面書專頁爆料，上載的照片中有一輛有頂架的車，於隧道行駛時，車門旁邊綁著1大1小的垃圾袋「某露營KOL，Fing下Fing下，睇見都心寒」，驟眼一看照片，對於沒有駕駛經驗的人士來說可能未必馬上發現問題所在；網民隨即斥責肇事露營KOL妄顧其他駕駛者安全。
事主回應：執垃圾為環保
肇事露營KOL於6小時後分別在自己的Facebook及《馬路的事討論區》的帖文下回應，表示：「袋垃圾係我琴日係欣澳，同朋友執人地週到掉嘅垃圾，連個袋都係，執完諗住車走去掉，後來發現沿途都無垃圾桶，因為我去元朗嗰邊，一出就係 Highway 同隧道，所以車到去元朗先有得掉。我承認咁樣掛係有啲危險，但見到咁靚環境啲人週到掉垃圾，真心只想為環境做返啲嘢。」
她續指「因為滿滿一袋垃圾，亦關唔埋拉鏈，所以放唔到入車廂同車頂。」又與另一位似乎一起執垃圾的網友唱雙簧反擊：「我都係簡單諗住唔好整污糟你架車，先掛喺我車出面，無諗過自私的香港人，除咗週到掉垃圾，仲鍾意咩都批判。」
網民：車頂旅行架裝飾架？
有部分網民體諒事主的原意是保護環境，好言相勸指「對事不對人，你這樣放置物品在車外，有機會導致其他道路使用者有危險，同你什麼身分、有幾好心、有幾關注地球這些根本沒關係，而且做KOL更應以身作則」。有網民又反問事主「點解唔放車頂」，另外的網民都紛紛斥責事主的危險駕駛行為，「知你好心，但係用下個腦」、「話知袋垃圾半路跌咗引致交通意外，反正我出發點係好就有光環？」。
