集運公司爆港人淘小狗欲運往香港
前日（11月21日）本港集運公司BuyUP於Facebook專頁「BuyUP一站式網購資訊平台」發文，指有職員於大陸倉庫內意外發現一隻白色小狗，但小狗並不是流浪狗誤闖倉庫，而是有香港客戶於淘寶購買了小狗，打算經速遞公司運往香港！大陸倉庫同事在收貨時見到包裹有動靜和怪聲才揭發事件，而裝有小狗的包裹上的快遞單上明確寫明「鮮活產品，優先配送」。
專頁負責人忍不住發文，並無奈表示「邊條友仔玩咁大？」。不過因為倉庫內並無狗糧，職員即時外出購買以讓小狗可以食飽。同時雖然職員指「活物拒收」，但為了不讓小狗流浪或再次被當作貨物運送會有生命危險，職員也決定先暫養，並透過專頁再次呼籲「活體動植物/生鮮食品請勿集運到香港」。
網民：佢送隻狗俾你看倉？
帖文引來大批網民熱議，不少網民都炮轟該名香港買家的「癡L線」行為，竟然為了一己私慾置小狗的安全於不顧：
【狗仔集運hi大咗？】「其實我見到內地可以淘寶郵寄毛孩已經好痴線，但集運係咪hi大咗呀？！」
【唔好彩就缺水焗死】「淘小狗條友係咪傻㗎？好彩狗狗無事，感謝你們把關，否則狗狗一定缺水或者焗死」
【送隻狗看倉？】「可能雙11多貨，佢送隻狗俾你看倉」
【可能送俾BuyUP看門口】「定係條友送隻狗係俾你看下門口啊？」
【淘寵物盲盒結果棄養】「寵物盲盒，之前有新聞，幾十蚊就有一個，妄想抽到名種狗。但百分百係黃狗，賣家無本生利。買家最後棄養」
因為BuyUP官方網站的「運輸及倉儲違禁品」頁面中有標明，活動物是屬於違禁品範圍之中，就有網民問負責人有沒有在事後將運送小狗的買家進行帳號封鎖，負責人則回覆到「已經封咗」，手腳之快令網民大讚。
小狗最終去向曝光！
當然大家最關心的就是小狗的去向，有人就質疑到BuyUP扣起小狗的行為：「我都覺得隻狗狗好可憐。。但係你簽收咗又唔運落嚟香港，到時買嗰個要賣嗰個退錢，佢唔退（因為貨物已簽收），咁樣咪仲煩？！而你哋反而免費得到一隻狗仔！最正確做法係咪應該係將貨品一併退回賣方地址？」但BuyUP考慮到狗狗的安全，便回覆到：「其實錢銀事少，大不了我哋當公司幫佢買咗隻小狗。退回去太危險了。」而幾個小時後，小狗的去向終於有著落，負責人指同事朋友剛好想養小狗，將由他來接收小狗。
無牌進口動物為違法行為
根據香港漁護署網站資料，除事先獲得本署簽發的特別許可證，否則不得把任何貓狗輸入本港（不論是進口或轉口）。根據香港法例421章《狂犬病條例》，非法進口動物可被罰款$50,000及監禁一年。
