隔離酒店Check-Out需預約 曾簽聲明允兒子做決定
酒店職員在西客帖文內指，現時於隔離酒店Check-Out必需指引，一個時段只可讓一位客人離開，避免有交叉感染的機會。而最近有一位16歲男生在父母簽了一份聲明後獨自入住隔離酒店，該份聲明用作證明小朋友有獨立決定能力。其後酒店職員在男生滿隔離期前三日與他預約了Check-Out的時間，由於他主動表示不方便於凌晨時分離開，欲安排翌日早上享用早餐後辦理退房手續。酒店根據客人要求而作出相應安排，及後16歲男生爸爸致電查詢兒子情況及退房時間，並要求安排兒子提早於凌晨2點退房，酒店這次也有為其作出調動。
再過一會兒，16歲男生的媽媽激動地致電酒店，大鬧職員「我小朋友得16歲，你憑咩同佢約check-out時間而唔打比家長，小朋友得16歲缺乏自己做決定嘅能力，酒店應該係搵家長而唔係搵小朋友決定幾時離開⋯⋯」，再揚言「我今晚12點正一定要接走小朋友，你自己諗下點搞個時間出嚟。」雖然職員已向她解釋，當初因父媽簽了一份聲明證明兒子有獨立決定能力，酒店才安排他一人入住。而且酒店都是根據指引，一個時段只讓一位客人離開，當時預約已滿未能作出調動，最快也是凌晨兩點。當然，港媽也只是繼續重覆「他只是孩子」的言論，不認帳之餘仍堅持要酒店安排提早接走兒子。
網民：唔怪得你個仔想遲半日走
對於西客港媽的反應，掀起網民一場「生仔要考牌」的罵戰，有網民指「咁你又比個仔自己住酒店，你唔陪佢？」、「怪唔得個佢個仔想留多半日先走啦，對少咁嘅呀媽半日」、「16歲都叫小朋友做唔到決定？」、「個仔先最慘，對住呢個呀媽」。亦有網民叫事主不斷重複衛生署指引便可，無必要對西客動氣。
