臨閂舖入阿波羅買雪糕 職員落閘惹港男不滿
Facebook群組「香港雪糕關注組」的版主日前於Group內發文，力批旺角T.O.P.阿波羅分店店員（下稱阿姐）的趕客行為。他聲稱自己於晚上8點43分進入旺角T.O.P.阿波羅分店，除了他之外，同一時間還有2名客人進入店內。當時店內2位阿姐，見到幾位客人入店後大為緊張，就即時衝到門口落閘，以防再有客人於臨近收工時間進入店內。
當版主買完雪糕想離開時，兩位阿姐叫他等一下，「佢哋話整完晒啲雪糕，先開閘俾我」。他表示自己趕時間，才「唔情願地」拿起鎖匙開閘讓他離開，開閘更耗時2分鐘。他指阿姐「無啦啦趕晒鋪入面啲人一次過走，連其他食緊雪糕嘅客食咗半嘅都要出門口」，從文字中亦能感受到他非常氣憤。而最後他表示，根據阿波羅官方Facebook專頁資料，旺角T.O.P.阿波羅分店的營業時間為下午12：00至晚上9：00，令他直斥「8：45pm要落閘好似太誇張」。
圍爐失敗反遭炮轟：阻人收工仲開post鬧返人轉頭？！
本來打算圍爐取暖的他，帖文反被網民連番炮轟，不少人都指出他在阿姐臨收工正在清潔時入店購買雪糕，屬「阻人收工」行為：「要埋數要拖地掃地，可能要拉埋架，早十五分鐘唔算過份吧」、「唔係做飲食嘅唔會明白！真係覺得整完你哋個幾杯雪糕就拍拍蘿柚走得？唔使清機收檔埋數清機？咁趕時間咪唔好食囉！你一篇文，分分鐘人哋俾人照肺，呢間鋪頭嘅姐姐出名俾心機！唔該反省吓啦！ 唔好做西客！」
亦有曾做街舖的網民指出「因為拉半閘都有人會硬闖」，所以阿姐會落閘的行為不難理解。同時關於大閘被鎖，有網民亦跳出來為阿姐辯護：「講多句啦，有啲閘係落到底會自己鎖，要開返就要用鎖匙！唔好成日誇張咁話自己被人鎖住喺鋪頭入面！人哋有按你要求開返俾你㗎 ！你呢種人點會想同你同處一室呀！唔好咁多妄想啦大佬！」
店內寫明收店前15分鐘Last Order 港男反駁 ：我係17分鐘前！
因為大批網民透過事主當日的雪糕打卡相片中發現，阿波羅的冰櫃上其實有明確寫上「關店前15分鐘不接受訂單」，同時阿波羅Facebook page亦寫明「請注意：鮮果乳酪將於營業時間結束前15-20分鐘停售」，先是指出事主有時間打卡但又話自己趕時間「趕時間仲去食雪糕仲打埋卡」，同時亦怒斥事主「大恩大德咁早嗰2分鐘入去幫襯」。事主面對排山倒海的批評，卻是一律回覆：
搞清楚我唔係話佢15分鐘前last order有問題，只係明明有兩個staff，落閘反鎖太誇張，仲要係用鎖匙先開到嗰隻。
大家都話我早17分鐘嘅8:43pm買杯takeaway嘅雪糕係阻住人收工，咁不如問下大家，幾點買先叫合理呢？
惹火言論再度被轟：早2分鐘真係多謝晒你喎！
當然，他的惹火回應再次被網民炮轟！而帖文也引來曾於阿波羅任職的網民批評：
之前做過幾日阿波羅洗乳酪機要15分鐘，拖地清潔地下洗隔油池、埋數，超過9:40先可以拉閘放工，佢仲要得兩個人做嘢，可能搞得仲耐，其實你哋買完就走啦，人地都要繼續做，體諒吓人好冇，仲食咩雪糕啫！
你知唔知平時要5分鐘內整完杯嘢
然後大恩大德咁早嗰2分鐘入去幫襯
然後等嗰2分鐘再話人哋好鎖住你唔放你出去
人哋係8:45pm last order洗機呀
唔鎖閘啲人衝入去玩到過咗9點係咪你幫姐姐洗機拖地埋數呀？
網民看到什麼破綻？
大批網民透過事主當日的雪糕打卡相片中發現，阿波羅的冰櫃上其實有明確寫上…詳情請看
