擬慶祝情人節兼拍拖周年
最近有名女網民於香港討論區發文表示，自己與男朋友拍拖2年，而他們的拍拖周年紀念日剛好又在2月，因此會在2月14日慶祝情人節，同時慶祝拍拖周年紀念日。 但她表示男友是一個十分注重防疫的人，出街會戴兩個口罩，經常洗手，也不會經常出街。如果不是要和她去拍拖，是真的會留在家中，乖乖居家抗疫。
而現在因為防疫政策問題，政府祭出晚上6點後禁堂食的限聚令，所以她就打算與男朋友情人節來場staycation慶祝一下。她心想：「都只係一日兩日，同埋係特別日子，佢點都會肯應承嘅」，豈料男友十分堅決地回應到：「依家爆到周圍都係，仲去乜鬼staycation？你唔好為左慶祝而慶祝先得㗎」，更指出可以在疫情緩和後再去。
事主續討論staycation一事，卻換來男友「爆seed」：「你點知隔離間房嘅人會唔會中咗？仲有呀，你仲成日周圍去，做咗密切接觸者，你就可以去到staycation !如果到時都仲係咁多單，2月14我唔打算出去㗎，講定畀你聽」 ，令她十分託異。同時也表示2人都已經打了2針，反問到： 「有冇咁驚青？睇黎防疫重要過我」。
文章引來不少網民熱議，網民紛紛讚同男友的做法，一面倒炮轟事主：「咩時勢仲去staycation」、「情人節年年都有，命就得一條」、「惹到病害埋身邊人，好自私」、「做人唔好淨係諗你自己」。
