蔡瀾夥日本友人與秘書到鏞記用餐
日前香港四大才子之一的蔡瀾於自家Facebook專頁連載的「蔡瀾的日記」分享最近到中環著名食店鏞記用餐的經歷。蔡生的日本朋友來到香港，便與友人及秘書，一行3人到鏞記用餐。蔡生表示自己其實很久都沒有到鏞記食飯了，「味道還是和以前一樣吧？」甫坐下就熟練地點了幾款菜，可見鏞記是蔡瀾的飯堂之一，「這家人的菜，都已熟到能夠背出來。」
大讚鏞記燒鵝皮燒的好＋肉十分軟熟
到鏞記就當然要食馳名燒鵝，蔡生也叫了一碟燒鵝腿，「我只試一片看看，皮當然燒的好，肉也軟熟」。他犀利地指出現在香港不少地方都有賣燒鵝，不過大部分都是「皮可以的肉不行」或是「肉行皮不行」。不過他也分享到食鵝要以季節而定，「在清明和重陽前後的鵝，是很少失敗的。」
禮雲子蒸蛋清＋清湯牛肉坑腩令蔡生難忘
同時他們一行人也點了「禮雲子蒸蛋清」，是一種叫蟛蜞的小蟹的籽與蛋白一起蒸煮製作而成，食材雖然難得，但蔡生大讚鏞記一直會把那麼小的螃蟹膏味道蒸得極濃味，令他極為難忘。另外，因為他們一行人吃的是午餐，淺嚐了十二點正午仍沒賣完的清湯牛肉坑腩，他亦大讚做得比專賣店好吃。
豐富一餐埋單千五蚊：比Omakase便宜得多！
面對著滿桌佳餚，日本友人要了一碗白飯，而蔡瀾也多叫了一碟太子撈麵讓友人試試，不過她的胃口變細，無法吃完，最後蔡生另外給她點了一碗紅豆沙作結。這豐富一餐埋單港幣1,500元，平均消費每人$500，他便指比起之前被他所力批「當客人是笨蛋」的Omakase日本餐便宜得多。
網民持相反意見：鏞記親疏有別！你蔡瀾去食梗係好食！
不過，平日支持蔡生意見的網民們今次卻大部分持反對意見，大批網民都指鏞記愛揀客兼親疏有別，熟客才會有水準，普通人去食「要睇運氣」才有機會品嚐到美食：
之前同朋友去鏞記， 叫碟燒鵝， 上檯居然夠膽死係凍嘅。有睇食神都知， 燒鵝凍即out！
之後搭的士， 當然媽聲四起。
的士司機就搭嘴：「鏞記係有好嘢嘅， 不過唔係俾你哋食嘅。」
【紅豆沙是熟客專利】此店絕對親疏有別，我們這種生客是真的連燒鵝都要運氣才吃得下。紅豆沙，就已經是親的象徵。蔡生屬至親，無從領會這些待遇。
【鏞記燒鵝「榮登」最難食TOP 3】我仲記得食過最差嘅燒鵝就係深井嗰兩間，跟住就係鏞記，仲記得係客人請食飯，食過一次鏞記，冇諗過再去食。
【請朋友食飯結果中晒伏】唔係人人食鏞記都食到呢個水準。在疫情前，我曾邀請過兩圍人都是台灣朋友，兩圍朋友圍埋食飯理應盡興，但坦白講連最基本嘅燒鵝，都唔係熱嘅，凍冰冰咁！兩圍人都很失望。糖水？更加欠奉！我自己都唔好意思。佢哋嚟香港玩幾日，難得大家圍埋食一餐飯，我梗係希望帶給朋友有開心回憶啦！所以從此之後，我也不敢介紹外地朋友去鏞記。
【因為你係蔡瀾】蔡老師大駕光臨， 鏞記梗係嚴陣以待啦！試下畀我哋呢啲散仔入去？ 畀千五蚊都係去食X咋！
【親疏有別】蔡san，下次請你的外地朋友先點菜吧！#包你以為入錯門口 #親疏有別的味道
同時輔仁媒體總編輯容樂其也在留言處同意以上網民的看法：「笑死 #利申入過去被人當狗L，鏞記你食就好食，唔係熟客入去當你狗咁L。」而健吾亦分享蔡生帖文直指：「我人生食過最難食嘅燒鵝，鏞記絕對係三甲內。」
燕尾雲吞湯是最愛倪匡
專欄作家施仁毅亦提到舊時倪匡到鏞記用餐的軼事：「以前，施太太經常安排倪匡先生及倪太太去鏞記，倪生最愛吃的是『燕尾雲吞湯』，一來叫兩三碗，我想叫條蒸魚，先生認為太貴不給我點，他覺得每間餐廳都有最值得吃的東西，去鏞記不應該吃燒鵝及蒸魚，應該 — 吃雲吞。」
