撰文：SY｜資料來源：天文台、unsplash
重陽節天氣預測
【10月22日21:30更新】在今晚8點45分，天文台突然宣布按照現時預測路徑，沙德爾會繼續移近華南沿岸，與其相關的強風會逐漸影響珠江口一帶。天文台會在午夜後改發三號強風信號，難道真的會「打風」？所以大家記得睡前準備好防風措施！
【10月22日17:30更新】在今日（22日）下午四時，沙德爾集結在西沙以東約380公里，預料向西北緩慢移動，橫過南海中部。而一號戒備信號已在下午5時40分發出。 表示有一熱帶氣旋，在香港約800公里內，可能影響本港。 請在計劃活動時，考慮天氣的轉變，並注意離岸海域可能有強風。
周末期間風勢頗大
按照現時預測路徑，今晚至明早，沙德爾與本港維持超過 500公里的距離，今晚午夜前需要改發三號強風信號的機會較低。 海面會有湧浪，市民應該遠離岸邊及停止所有水上活動。
周末期間風勢頗大，海有大浪及湧浪。下周初大致天晴及乾燥。預料高空反氣旋將會在下周初增強，華南天色好轉。
延伸閱讀：重陽節假期或會打風？
喂啊！上星期天氣不似預期，突然掛8號，無論要返工定係放假，所有計劃都搞亂晒。前幾日天文台預測就話會連續9日天晴，本以為終於可以行山郊遊，點知天文台一個屈尾十更新facebook，話菲律賓以東海域的低壓區已增強為熱帶低氣壓。
參考路徑圖，熱帶低氣壓預料將會未來一、兩日橫過呂宋。有網民話，成個預計路徑同上星期嘅浪卡相當接近，應該都打硬風。另外，有網民就嘲笑指今次唔掛八號「一定會嬲」，亦有網民相當有信心會直上十號波。究竟今次李氏力牆會唔會生效呢？有網民就表示：「唔使望啦，早Ｄ瞓啦，8點鐘前落波，準時返工返學。」果然經過現實嘅折磨（以及無限WFH嘅地獄），大家面對颱風，態度已經相當老練。
（圖片來源：天文台截圖）
