大家住完酒店，玩完瘋狂的一晚後，翌日Check out時都比較匆忙，所以執漏充電器、個人飾品等物品都好正常，而早前有網民爆料酒店住客在房間中居然留低以下奇怪物品，令到職員好震驚！

酒店員工爆住客遺漏物品：情趣用品、滿一歲嘅BB

早前有酒店員工在Facebook群組「酒店Secret」，以「最誇張聽過啲客漏咗咩喺房？ 可唔可以執齊野先走」為題開Post討論，引起酒店同業瘋狂留言。

遺漏物品｜01 情趣用品

其中獵奇回應不在少數，有酒店員工爆料曾經見過房間有一大堆情趣用品，包括「一包全新嘅毛毛手扣、繩、皮鞭」，仲有「震震棒」，有部分全新包裝、拆都未拆，真係怕同客人講返會尷尬。

遺漏物品 亦有酒店員工話見過「原隻MARY」，不過就並非「做CPR個種MARY」，實在一言難盡。
亦有酒店員工話見過「原隻MARY」，不過就並非「做CPR個種MARY」，實在一言難盡。（圖片來源：TVB@她她她的少女時代）

遺漏物品｜02 原味底褲

仲有酒店員工話見過有住客漏低女裝底褲。究竟有什麼值得驚奇？原來住客居然將底褲放在夾萬內，而且更未經清洗，原汁原味，實在好恐怖。

遺漏物品 當然不少得假牙、高爭鞋、波鞋等等貼身衣物，連護照、警察委任證等證明文件亦有上榜，不過相對來講比較常見，相信大家都漏唔少。
當然不少得假牙、高爭鞋、波鞋等等貼身衣物，連護照、警察委任證等證明文件亦有上榜，不過相對來講比較常見，相信大家都漏唔少。（圖片來源：Unsplash@stilclassics）

遺漏物品｜03 大量現金

有酒店職員表示就在房間中見到大量的現金，由6萬到10萬蚊等，最誇張更見到2百萬現金！

遺漏物品｜04 嬰兒

最獵奇莫過於，居然有住客遺漏嬰兒。試過有「爸爸媽媽推住架無BB嘅BB車走」，甚至有印度人試過「去到機場先發現唔見咗個仔」，真係相當誇張！

遺漏物品 漏低嬰兒之餘，仲有住客試過漏低幼稚園書包連功課手冊，三個月都未有回去攞返，莫非已經休學唔再讀書？
漏低嬰兒之餘，仲有住客試過漏低幼稚園書包連功課手冊，三個月都未有回去攞返，莫非已經休學唔再讀書？（圖片來源：Unsplash@jasonsung）

遺漏物品｜05 骨灰

其實漏低物品真係層出不窮。有住客漏低活生生的蛇及蜥蜴、魚缸，甚至神主牌和骨灰，真係相當大不敬！

遺漏物品 漏低神主牌和骨灰未算大問題，不記得拿回來才大問題！
漏低神主牌和骨灰未算大問題，不記得拿回來才大問題！（圖片來源：淘寶）

亦有酒店員工詼諧粉飾悲劇，話試過見到有人「漏低咗個肉身，靈魂走咗，唔識返嚟攞，要call白車」，可謂去酒店最慘的遭遇。

撰文：CY圖片來源：Facebook群組「酒店Secret」、TVB@她她她的少女時代、淘寶資料或影片來源：Facebook群組「酒店Secret」