日前有任職政府助理文書主任的網民向Facebook專頁「公務員secrets」投稿，表示「Office斟水係一門好高既學問，完全係考驗我地既忍耐力，邊個忍唔到就輸！」他指不同職級的同事都覺得「換水」一事應由其他職位或較低級別的同事負責。
有日事主工作十分忙碌，半日都無水入口，打算去裝水的時候才發現「水機一滴水都無」！他苦笑一聲：「乜你地戴哂口罩就唔洗飲水喇？」同事尷尬地回應到：「Err….我都唔係幾口渴 」。結果在他換完水後，身後就有一大堆同事排隊裝水！「個女EO（行政主任）仲拎住個玻璃花茶樽同水壺，一次㩒走1公升水！果然，新手捉棋往往就係太衝動！」
大批網民看到投稿後，紛紛爆笑表示 ：「俾錢去健身舉野嘢就肯，但喺公司換樽水咁唔情願」、「咳住去換水，換完都冇人飲」、「成樽攞返自己位飲」、「做多咁蝕底，比我一定唔換，鬥渴」、「平時準備定儲貨，到時睇下邊個認輸先」！
連登仔分享辦公室爆換水攻防戰：敵不動我不動！
事主在連登討論區發文表示有日於茶水間時 ，看到自己公司同事們不論男女，看到水機無水紛紛回到座位工作。但如果他幫忙換水，就立即有人拿著大水杯斟水。所以近幾日平時會幫忙的他也決定「寧死不屈」，寧願「長途跋涉」到公司其他樓層斟水也不換水，更揚言：「睇下佢哋頂到幾耐！」
有網民表示事主有機會遇到同層同事在其他樓層斟水。
及後事主更表示自己為了 「長期抗爭」，已經買了一箱2L水，估計自己起碼2星期不用換水！更將一枝容量超大的水放在枱面，誓要向同事們「示威」！
之後事主表示看到有名男同事在杯內倒了三合一即溶咖啡粉，但見到水機無水就洗杯後回座位工作，「辦公室換水攻防戰」鬥爭開始白熱化！網民們笑言：「你公司啲人真係無得頂！寧願洗杯！」
另外亦有網民表示叫事主當做善事，換水只是舉手之勞，更有網民表示「當幫下殘疾人士」。
辦公室換水攻防戰成常態？
雖然上面的事主沒有講述「辦公室換水攻防戰」最後贏家，但看來茶水間換水是不少打工仔的煩惱！有名女網民曾於連登討論區發文講述同樣的遭遇。她的公司茶水間的水機即使已顯示換樽提示，但同事們都是「寧死不屈」類型，寧願渴死也不換水，默默等候有心人換新水樽服務大家。結果她表示：「水機榨到一滴都滴唔到，我喺呢場戰役中戰敗咗」。
