港女夾走男友粒墨丸 一秒激嬲男友！
網民反應兩極 是男友小氣抑或女友無禮貌？
該名女網民在Dcard討論區上發文指男友竟然「為咗粒墨魚丸同我嗌交？」，並似非對此感到不解，全文如下。
「琴日同男朋友去咗食車仔麵，佢叫墨丸、雞翼、豬腸、生菜、油麵，我叫豬皮、冬菇、生菜、公仔麵，食食下我見佢粒墨丸好吸引，隻手好唔聽話咁夾咗粒返嚟放咗入口，點知佢嘖左一下，然後黑晒面，佢問我做乜嘢，但係呢個時候粒墨丸已經係我口入邊，我唔敢出聲又唔敢咬粒丸⋯大概對視左3秒鐘，佢先唔再望住我繼續食麵，我先敢咬粒丸，原來已經係佢碗嘢入邊最後一粒丸，之後佢食完自己走咗，我就跟住佢後面，去到今日佢都好似好嬲咁，點搞？」
網民看畢帖文後大概分為兩個派別，其中一派指「男友小氣」、「係咪得我覺得好小事，點解要嬲？」、「如果我男朋友為咗啲咁小嘅事同我嗌交我會嬲番佢轉頭」。而另一派則是理解男友點解會嬲「我覺得唔小氣，如果假設嗰一日有好多晦氣事，諗住食好嘢獎勵自己，將最好味嘅留喺最後一啖，結果俾人食咗，我真係會喊出嚟」、「就算係屋企人都會問下得唔得先、基本禮貌」、「明明係我嘅又係我想食嘅嘢，比人食左真係會唔開心，呢樣嘢係冇分男女」等。
也有較為憤慨的男網民表示，「你哋班女人就可以為咗呢啲咁嘅小事成日發脾氣，男仔發一發脾氣就俾你呢啲女人鬧小氣。」並指同樣事件假如男女身份互換，結果則會變得一面倒，似乎有雙重標準之嫌。網民也提供了不少建議，例如「你買外賣去佢屋企附近請罪，請返佢食墨魚丸啦。」、「tum（氹）翻佢！！同say sorry之後請佢食多次」，但帖主表示已經嘗試過但都無用，並指在今次之後會更尊重大家。
網民回應：
