財政預算案2025｜於今日（26/2）公佈，政府將會上調機場離境稅，當中講到由2025/26年度第三季起，將飛機乘客離境稅由現時每位乘客120元增加至200元，預計每年可增加約16億元收入，陳茂波認為：「估計對飛機乘客影響輕微」，而陸路方面，研究向由陸路邊境管制站離境的私家車徵收邊境建設費，不過旅遊巴士和貨車等不受影響。預計以每部私家車收取200元，每年可帶來約10億元的收入。
機場離境稅的上調令一班熱愛去旅行的港人相當火滾，紛紛留言鬧爆：「離境稅就俾足，市民出入境應有嘅免稅優惠又無，例如入境只得19支煙限制」、「機場離境稅由$120加到$200 ……窮遊嘅成本越嚟越高囉！」、「要加就全面加,陸路離境加100」、「去深圳同澳門飛」、「可以 陸路走……..又可以 返深圳上機，我就廣州深圳都上過機」不過亦有網民認同政府做法：「$80，去得旅行，求其喺條街度都洗咗啦」、「乜香港人會窮遊㗎咩？」
