網傳「譚仔嗌餸」心理測驗 雞肉代表無主見
食譚仔都可以測試出性格？心理測驗做得多，這樣的測驗真的聞所未聞，無他，這性格推測並不是來自專家，而是來自創意十足的討論區。有網民出帖指「譚仔叫咩食代表你係咩人？」，並留言指「丸類：細蚊仔；豆卜：乞衣仔，覺得吸埋啲湯抵食唔會嘥；韭菜：OL懶健康；炸醬：腎虧毒X；雞肉：冇乜主見」、「腐皮豬潤：社會賢達」。
網民：湯底又點計？
有人覺得樓主是神預測，覺得好「中」：「中哂」、「樓主好準」、「雞肉：冇乜主見。準！正評！」並覺得樓主完全睇穿了自己：「好X準啊，你點知我是冇主見毒X的，可摸以做埋個湯㡳俾我？」
雞肉豆卜牛丸=乞兒細路仔冇乜主意
不少網民自報家門，報出自己的配菜心水，結果令人笑爆咀：「雞肉豆卜牛丸： 乞兒細路仔冇乜主意」，呢個組合都幾可憐下，但又好似好合理咁。
清湯=男人唔忍得？
還有「炸醬韭菜：腎虧懶健康人妖」，但點解會係人妖？另外亦有網民受樓主影響，忍不住要發揮自己的創意小宇宙，也來做個性格預測，包括港女通常會叫什麼：「好多港女鍾意叫雞肉炸醬走九小米，凍檸茶少甜少冰」；最爆笑是叫清湯的男人竟然係唔忍得：「男人叫清湯=唔忍得﹐多數得幾秒」、叫大辣才是真漢子。
網民串爆：個腦跛咗？
有趣在於樓主的帖文在成為熱門話題，負評卻高達800多個，似乎大家睇完都真係得啖笑。當中不乏串爆樓主的留言，如有人問樓主：「豬潤、懶肉，點睇？」，樓主答道：「中產人士，呢兩款餸都偏貴」，立刻被人串到爆：「X你老母個價咪一X樣，中乜X嘢剷呀？個腦跛咗呀？」。有人回應加飲品就是中產人士，皆因譚仔加飲品都真係幾貴：「加杯凍飲咪當你中產囉」。另有人反問：「咁嗌過橋米線套餐咁點算？」
原文刊於：《新假期》
