西貢3層村屋月租僅需11,900元 陰森外觀網民睇到好不安
一位用戶在Facebook群組「租屋買樓網」發帖文，曬出這棟位於西貢郊野公園的獨立小村屋的照片，並寫到「西貢郊野公園獨立小村屋全幢租$11900」，雖然沒有展示室內照片，不過就見到這座白色的村屋被翠綠的樹木環繞，但就有網民表示：「第一眼睇呢張相，已經感覺好陰森恐怖」；「第一眼睇以為咒怨取景地，免費俾我住都不了」
大家更紛紛數出照片中的詭異之處更指「見到嘢」：「好明顯見到個人頭…」、「Feel 到有野，D大樹就來遮曬間屋，好陰。」、「高靈人士話呢間屋好勁」、「二樓左邊窗見到好似係一個好大塊面嘅小朋友，三樓左邊窗我覺得好似有四個人係到…」、「你地望清楚，最頂左手邊果隻窗…真係好污糟呀！」還有人說「連樹影都影到好多似人樣骷髏骨頭圖。咁多奇奇怪怪嘢點住」。不過亦有網民認為環境寧靜是一大優點，「點解咁多人睇到嘢，我都睇唔到嘅？住開村屋，我就覺得幾面單邊幾正，唔會有噪音滋擾。人有時恐怖過鬼」。
村屋設施詳情
就有傳媒就事件聯繫屋主，對方坦言該單位很細，每層180方呎，不過每層都設有廁所，廚房設於地下，一樓和二樓為臥室，屋頂有一個小天台，並有一個小房間可以用作儲物室。此外，村屋前有一片石屎地花園和兩側的泥地花園，可以停車，屋內還提供WiFi。
此外，屋主還透露，前一位租客租了近五年，搬走約兩年後，她和丈夫決定將這棟村屋作為度假屋使用，只有閒暇時才回來居住，村屋對面就是巴士站，有94號巴士往返西貢市中心，大約半小時可達西貢總站，她形容這個地點「實用、治安好、清靜、空氣好、又近巴士站」。
