撰文：SY｜資料授權：奴工處｜圖片來源：奴工處、《鬼同你OT》
打工仔要轉工，一次過Send十幾份CV是正常事，但當收到面試電話後，如果真的不出席面試，你們會否打電話通知面試公司？有公司疑似HR員工於「奴工處」Facebook投稿，指不知是否因疫情已好轉，很多求職者見工時都是隨心隨意，「我想講：你遞得求職信，有公司搵你見工。即使你突然無心情，或者突然有事來唔到，請你撥個輪通知下」。
這位員工似乎對「求職者突然放飛機」怨氣甚大，更要求不來的求職者打電話通知，事主指公司有員工已空出了時間等求職者見工，「唔嚟真係無所謂，但唔好要人等咯，真係好想講粗口」。
這個Post一出即引起其他打工仔回應，部份指No Show是常態，其中一些留言更超Mean：「到返轉，你唔請人會唔會覆人地唔請你」、「唔見咪繼續做野囉，唔黎你就冇野做咩」、「調返轉，到見工時唔好又話個部門經理唔得閒，要約第二日見。」
看來很多網民都在見工時受氣，更有人指事主等求職者都有糧出。不少人都吐糟「HR要人等」也不是第一次見：「你等有糧出嫁…你估坐係到白等咩都唔做？」、「由HR講『唔好要人等』真係特別有說服力」、「到去HR要人等半個鐘又唔提吓？」
