人氣IG蛋糕店記錯送貨日子、生日驚喜盡失
一位人夫最近在Facebook專業「香港蛋糕關注組」發帖，指日前於Soulgood bakery訂購一個6吋的開心果巴斯克芝士蛋糕及9個cake jars，打算把9個cake jars在老婆生日當天（20/4）送上她公司給她與同事們分享。未知店方是否太心急，竟早了一天（19/4）送貨，令樓主大為失措：「乜驚喜都無哂，差啲自己瀨埋嘢被以為記錯日子」。
人夫「貼心變負心」、店方只機械式道歉
驚嚇過後，樓主事後向店方訴苦兼投訴，向店方說明原委，指店方的錯誤令自己「貼心變負心」，為挽回儀式感，樓主希望店方可以幫忙「補鑊」，在正日補送多一個小蛋糕去老婆公司。然而從雙方對話內容所見，店方並無正面回應樓主訴求，只一直梅花間竹的以「真的很抱歉」、「真的好對唔住」及「真的唔好意思」作回應。
店方自己諒解自己、考驗樓主EQ
店方的態度令樓主感到他們並無心協助解決問題，更令人哭笑不得的是最後更送上一句：「真的很抱歉，不好意思可能當中時間上有這些誤會錯誤真的很抱歉，我們都諒解。」雖然如此，樓主仍保持高EQ，凌晨繼續不溫不火的教店方正確的語文運用：「你哋明唔明諒解既意思…諒解係了解實情後原諒，我應該無嘢需要你哋原諒」。未知店方是否自知中文水平有待改善，改以英文作機械式回覆後便失聯，再無回覆跟進。
味道屬正常、人夫點名2間烘焙店更出色
總括而言，樓主認為巴斯克芝士蛋糕正正常常：「無啲 media 講到咁誇張咁好食，覺得中環另一間bakery同埋深水埗家後好食啲亦都平啲。Cake Jars 諗住最特別係 Bailey個隻味，但聽返feedback唔係好夠 Bailey味。」店方的出品及服務似乎都未如樓主所想，更因未能為老婆生日送上驚喜而大感失望。樓主在回覆笑指老婆大人明白事理，故沒有因此要「跪玻璃／LEGO」。他希望大家日後訂蛋糕小心之餘，也不要被店鋪亮麗的門面所騙。
網民指該店早有前科：feel到佢無心改，無心做
帖子發出後引來議論，谷友關心樓主之餘，亦批評店方愛理不理的服務態度，指「佢連通知聲你話無得補都唔做」，亦有谷友指該店早有前科：「如期去K11門市攞貨，門市職員話搵唔到訂單，最後多番查詢後，答案竟然係漏咗單。冇整到！」、「佢哋musea 店員，試過枝茶明明＄20，講$80同佢反映咗，但而家又見到呢啲comments，feel到佢都無心改，無心做！」至於出品，大家都一致認為又普通又貴：「果個 cake jars Bailey 真係零bailey 味同埋個 Tiramisu 都唔好食！」，有谷友更指：「依間嘢真心難食，無下次！」
