英國人眼中港女著小黑裙最性感 反而呢位女神最低分
YouTube Channel《是但啦 Whatever_SDL》為移英港人Heidi創立，頻道主要在英國街頭就香港的話題而進行街訪或社會實驗，至今已有逾33K Subscribers，人氣不俗，每次上載的影片都能引起熱議。而早前其中一條名為「外國人點睇港女性感衣著！喺香港被人笑嘅衣著喺外國好日常？一種女仔唔鍾意戴bra？」作題，向當地人舉出4大港女打扮例子，詢問意見及評分。
1.嘉盈
其中一個港女例子，Heidi就用上了嘉盈到s2o玩的泳衣照，紮上兩個髮髻，相當可愛。而Heidi把相片展示給當地人看後，大家的反應都紛紛示好，10分滿分中平均也得到9分。當中不論男女都分別指「佢真係超爆靚女，我好鍾意」、「佢似好有自信，一睇就知係一個好人」、「似落Club，好鍾意蒲」、「好誘惑人」、「上衣顏色睇得出有種天真無邪感覺，感覺單純得嚟又有啲輕佻」，評價相當之好。
2.Coffee
相對嘉盈，一向行瑜伽運動風格的Coffee愛穿瑜伽褲出街，而瑜伽褲在港又最受爭議。今次Heidi展示Coffee露出腹肌的瑜伽服相，在當地人眼中原來都是屬於不吸引的一類，甚至有人給0分，創下最低分評價。受訪的外國人指「睇得出身材好Fit，但套衫就無咩特別，Gym Room見太多」、「套衫好悶」、「Yoga Pant唔得」、「肌肉太多，仲多過我」、「睇得出佢有自信，似係Strong women」。
3.Umi
Umi在Instagram擁有50.5K追蹤人數，Heidi在訪問中放出了一張她穿著吊帶小黑裙和一件跌膊的白色外套，而這種打扮意外地獲出全場掌聲，平均獲得9分，有不少男途人都給10分滿分！受訪者指「黑裙好Cute，加件白色褸仔有種Flirt的感覺，感覺到佢好有自信」、「小黑裙好Cute，佢望落好內向但有自信，有種抑壓的情慾，佢對眼直擊我靈魂深處」、「佢好知自己想點，係性感尤物」。
4. 露股小短真理褲
而最後一種女生打扮，則是曾在網上捲起熱話的一種「露股小短真理褲」，Heidi一展示照片，外國人隨即爆笑，評分與Coffee同級，同樣被指0分！接受街訪的外國人都指「比唔落手，個樣睇唔到，一定係神級自信，夠膽著呢件」、「No Comment」、「完全唔明成套衫，太暴露」、「I like the boots，但條褲太短」、「玩吓就開心，老婆就免」、「呢個係一個陷阱，佢想全世界男人都望佢，但啲男人望嘅時候就會話人做咩望佢」、「佢好知自己定位」。
港人：真係講中我心聲
而到影片最後，當地人都表示「女生鍾意著咩就著咩，唔覺得有咩問題，我係女仔都想Show，無嘢好Judge」、「真空出街無問題，周街都係，最近係多咗好多人咁做，無問題」。而不少網民看完街訪片後，紛紛表示認同，指「天呀你呢個訪問做得好好！佢哋講囇我d心聲出嚟，好感動聽到想喊」、「By far最鍾意呢集，受訪者嘅回答多多少少都幫香港女仔出返啖氣，嗰三個男仔講女人穿著嘅時候會覺得佢哋思想仲係有啲傳統，估唔到最後會講返句公道說話，指被意淫同穿著無關，要怪就怪返意淫嗰個人」、「內容正，字幕都好正」、「今集Topic正，真係感同身受」。
