港媽任由兒子於港鐵踩櫈 事主忍不住直言不滿
今日（9月8日）有網民於Facebook群組「X官塘老母群組」帶圖發文，指她剛才在乘搭港鐵時見到一名港媽任由幾歲的兒子踏到在座位上，看窗外的風景。而港媽則自顧自地看著手機，對兒子的行為視而不見，只用單手扶著兒子。
就在事主打算於觀塘站下車前，她終於忍不住走到兩母子前表達不滿：「小姐你俾小朋友咁行好污糟，人哋要坐㗎！」不料港媽竟然非常激動地反駁到「小朋友唔識『咩咩』㗎！」但因為港媽情緒過於激動口齒不清，導致事主無法聽清。
好言相勸反被鬧 隔離乘客睇唔過眼一同圍剿
見港媽依然不為所動，她只好繼續好言相勸，「啲人要坐，（小朋友咁踩櫈）好污糟」不過港媽仍不依不饒地指她已經隨身攜帶濕紙巾，到時會抹。隔離位的姨姨聞言終於出聲，與事主一起圍剿港媽「咁樣好污糟」豈料港媽完全不聽勸阻，瘋狂反駁到：「我落車前會抹㗎！唔通要同你哋講咩，乾淨過你哋坐啦！」令事主感覺到港媽是位「好無禮貌嘅自私X」。因為即將要下車，面對港媽的不可理喻，事主下車前超大聲地拋下一句「一定係你最乾淨啦！」
事主冀港媽反省：以為老母大晒呀？
事後她表示一開始都怕「衰多口」但又忍不住提醒港媽，不過沒想到港媽的強詞奪理，「以為老母大晒呀」，「真係點知佢抹唔抹啫，見到覺得好不安囉！」同時亦希望港媽可以反省一下，「唔係人哋冇事走去搵嘢話佢囉，佢咁威我咪幫佢分享下佢係好老母」。
網民支持事主出聲 教超強應對手法
帖文一出即引來大批網民熱議，網民都極力支持事主出聲表達不滿，並指港媽既無禮又無理：
「生仔真係要考牌㗎……」
「小朋友唔識你唔識教？定係你個智商都係小朋友？」
「小朋友唔識嘢都算，個老母都係咁，真係仲衰L過個小朋友，唔識教仔就咪L學人生仔！」
「小朋友識就同小朋友講啦…..就係唔識先同大人講，妳唔教就預咗俾人教喇！」
另外也有醒目網民教事主可以如何應對：
「畀佢對大髀個仔踩，之後用濕紙巾抹返咪得囉，個位係無辜㗎」
「問佢：張濕紙有消毒功能？幾多%酒精？知唔知刷幾耐先有效殺菌？殺唔殺到病毒？睇吓佢答唔答到囉！」
「踩佢塊面一腳，用濕紙巾抹返！」
「我試過問佢，咁L乾淨做乜唔攞隻鞋裝飯食？！」
