自取變送餐被加價呻中伏
日前有名網民於Facebook群組「中伏飲食報料區」發文抱怨自己駕車到葵興一間餐廳買一個$32的餐，因為當時雨勢頗大，他向店員表示沒有帶雨傘，所以希望店員可以在外賣製作完成後拿到車前，讓他可以一開車窗便可以領取，店員亦表示當然可以無所謂。事主也表示餐廳門口有簷篷，店員是不會濕身的。但在3分鐘後，店員就打電話給他：「老細話遞岀門口都算係送外賣！所以你盒飯要收$44！」
他對此十分不滿，他表示自己平日都是在這間餐廳叫外賣，加飯盒及膠袋徵費是合理的，但今次要收多$12完全不合理，更質疑到：「只係遞出黎都算係送外賣？」怒轟餐廳無故濫收附加費，結果他也沒有領取外賣，並揚言不會再幫襯。
網民看到帖文後，就有人解釋該餐廳的收費標準：「佢哋外賣自取做緊特價$32，送外賣就做緊$44」。而網民亦沒有安慰事主，反而是斥責事主自私：「你話人哋間舖有簷篷，阿姐遞出門口就唔會濕身，你落車攞就會濕身？」、「知唔知乜嘢叫外賣自取」、「買個三十幾蚊以為大哂，送埋上車，你估你大明星？」、「香港幾時有茶餐廳做『Drive-Thru（點餐車道）』service？」、「請問你係傷殘人仕？覺得十幾蚊好多咪自己行入去拎囉」。
