港男炮轟自助落單仍收服務費：邊忽服務過？
日前有網民於連登討論區發文，大嘆現時不少餐廳的不合理收費。他指出近年香港越來越多餐廳少用人手下單，而是改為使用QR code下單，餐廳職員只負責送餐，認為那並不算得上服務，憑什麼可以收取服務費：
係得啲侍應係廚房幫手拎碟嘢過嚟，咁都可以收服務費，都唔知邊忽服務過。不如直接話係收運費算啦，真係叫到cheap曬！
網民 ：落單自己落，餐具自己拎，仲夠膽收加一？
短短的帖文卻引起大批網民共鳴與熱議，大批網民都認為自助落單還需收10% 服務費，大時大節甚至收20% 服務費，實在不太合理，支持取消收取服務費的呼聲十分之高！
【你無用到唔代表無】「標準答案：你有嘢叫侍應幫忙佢哋係會幫你，所以係你冇用到啲服務，唔係佢冇提供服務」
【乜都客自己郁手處理】「紙巾仲要加$2，水又大大枝放檯面自己倒，餐具又一份份長期放喺度」
【仲要用自己data落單】「何況我嚟餐廳食嘢點解要用我數據，用我電話，雖然數據多到唔值錢但係亦都唔代表要俾你用」
【無data無Wi-Fi點落單？】「QR code加一都算，有次用哂data上唔到網，間餐廳同我講冇Wi-Fi」
【老人家睇唔到手機menu】「變L哂手機落單，餐牌都收L哂，同老人家去食嘢佢地睇唔到咁細個mon，連有咩食都唔L知」
【乜都自己搞仲要收10%同低消】「見過有間甜品鋪喺旺角嘅，單要自己行出去落，嘢食要自己行出去拎，然後佢收加一同埋有人均最低消費」
【餐廳除咗寫同收錢乜都無做都收10%】「之前食馬灣間熱X咖啡，佢要你自己去拎餐具，食完仲要自己清埋檯，收埋餐具，再將餐具放去佢地回收籃到。最後買單，佢手寫咗一張單，入面居然仲有10% 服務費」
服務費為巧立名目的收費
不少人都指出服務費美其名是餐廳侍應的小費，但其實只不過是餐廳巧立名目去賺取更多的金錢，服務費並不會到侍應口袋中
其實大家係咪搞錯咗啲咩？
服務費向來都唔係個侍應收，只係變相俾商家佬收多你錢嘅理由，even你俾tips都唔係落哂侍應袋……
所謂嘅服務費全香港99%嘅餐廳都係唔會俾夥計嘅，所謂嘅服務費只不過係用嚟增加收入嘅一個藉口，請大家真係唔好天真到以為呢個係真係因為要增加服務質素而向客人轉介嘅成本……
QR code落單有弊端
亦有人重提上年有網民到元氣壽司食飯時將QR code post到「香港壽司刺身關注組」，然後慘被其他網民遙距落單，最後事主的埋單金額高達$9,173元，連加一服務費就已經破萬元。當中點餐記錄顯示有21份單價為$78元的鰻魚飯，總價值為$1,638元，再加上其他貴價壽司和刺身等等。而由於瘋狂落單的情況，令到該分店的某些食物都一度售罄。
相反意見：放題、任食火鍋用唔使麻煩伙記
不過亦有網民接受，甚至是喜歡使用QR code下單的方式：
【不用瘋狂麻煩侍應】「接受到食放題、任食火鍋掃code落單，因為唔洗不停搵伙記」
【人手落單會出錯】「我反而鍾意用code落單，可以一邊落單一邊諗食乜，人手落單有時諗多陣都好似得罪個伙記咁，又唔洗驚佢會落錯單，好方便！」
