5種「有擔當上司」特徵
1. 小薯做錯嘢激嬲個客，上司應該代小薯向客人道歉，而唔係叫個小薯自己向個客道歉。之後你閂埋房門教訓個小薯，係你嘅家事。
2. 小薯做錯嘢畀大老細知道，無論錯在邊個，上司都應該先承認自己領導無方，而唔係二話不說即刻交個小薯出嚟。
3. 小薯工作態度唔好，上司應該用佢嘅管理方法，糾正小薯嘅態度，而唔係郁啲就叫大老細換人。
4. 大老細鬧中層，中層應該隔走嗰啲負面情緒，用冷靜溫和嘅態度教班小薯做返好啲，而唔係將啖氣發洩喺班小薯身上。
5. 對於又懶惰又態度惡劣嘅小薯，上司真係要教訓一下；但對於勤力又積極嘅小薯，一定要有適當嘅獎勵，咁先可以服眾。
留言區反斥痴心妄想
帖文引起網民熱烈反應，有網民留言表示，他作為上司也做好上述5點，但下屬卻變得更大條道理地犯錯：「彷彿我對客嘅道歉係廉價嘅，其實真係灰咗」。不過大部份網民就表示不認同，認為香港職場有這種上司簡直寥寥可數「可惜呢個世界冇乜上司係有擔帶」、「幻想情節先會岀現畫面」、「邊會有呢啲咁好嘅上司，現實啲啦」、「從冇見過有上司做到呢啲」。
