細數10大「冇料上司」特徵 引網民共鳴！
- 特別需要下屬尊重，仲要尊重出樣
- 鍾意鬧下屬做錯嘢，並且無限放大
- Keep 住自己睇起上嚟好忙
- 小事細心，大事糊塗
- 著重自己嘅經驗，但只流於形式，領悟唔到當中嘅因果關係
- 成日拎大老細出嚟壓啲下屬
- 同其他部門不和
- 對於 grammatical mistake 特別重視，但對於主要論點又特別忽視，甚至根本理解唔到
- 自己識嘅嘢就要求特別高，自己唔識嘅嘢就輕易畀下屬過關，結果顧全唔到大局
- 容不下唔同嘅意見，彷彿挑戰佢權威就係死罪。因為，事實上佢真係冇權威可言
網民分享心酸打工經歷：完全就係我前上司！
留言區有不少網民都表示認同，亦有不少人身同感受「完全就係我前上司」、「似曾相識」、「仲有成日俾唔到指示你，只係做傳話筒，下屬做完後，問番你其實點做，交左貨就令再上頭以為係上司教導有方」。
甚至有網民分享自己的慘痛經驗：「明明公司之前咁多年活動嘅資料已經全部電子化，要你print返晒出黎，地球滅亡都係因為佢」、「前一日send個list出嚟有十個task要做，要你第二朝ready」、「現在就是有一個，日日講同事是非，又話人窮，X，人地有尊嚴係無價。」、「加多兩點： 經常幫同事報名參加公司活動，但自己就no show；同事升職係恩賜，離職係死罪，公司比咁多資源係你身上，但唔係佢出糧比你」綜合大部份網民的留言，1至5點及7至9點是最多人認同的特徵，可見大部分網民在職場上都或多或少遇過「冇料上司」。
