寒酸老闆搞聖誕派對 50人只嗌15人份量
公司老闆「cheap到無朋友」的經驗，大家有否親身經歷過？臨近聖誕節，有打工仔於網上分享指自己經歷了一場「搶食Party」。事源事主全公司有50人，近日公司舉辦聖誕派對時竟然只買了一隻乳豬仔、一隻燒鵝、一隻雞、6個薄餅、幾份燒雞及啤酒，目測只有 15 人份量，令整班同事像飢荒般去搶食物。
「最肉酸係爭食完仲唔飽，同事最終要拉大隊走人再自己去食嘢，場面超尷尬」。網民看到帖文分享後，指出「其實孤寒學乜嘢人搞party」，引起大家共鳴。
15人份量只花$2,000 網民：好多時係擦鞋仔為咗慳錢而嗌少啲
有網民留言指事主公司只預了10至15人份量，而非全公司50人的份量，粗略估計預算大概只有2,000元。不過亦有人指預少了食物份量的責任不是老闆，而是負責的同事並沒有想好便亂買一通。也有網民建議事主公司可以直接買燒賣、菠蘿腸仔等等，改為「小學雞大食會」比較適合。
網民表示有同感：無錢真係唔好搞啦！
網民看完了帖文表示有同感，有網民就分享指曾到一間位於上環的公司上班，老闆一向都對同事「超慳皮」，聖誕禮物只會在家中找「垃圾」出來轉送，「公司有14人，但只係嗌兩個Pizza，一個意粉，兩份雞翼，員工見到都知唔夠食，兩個老闆仲要同員工爭食物，真係睇見都唔好意思，最後反而係呀姐級拎錢出嚟請啲細嘅食返飽」。
另外亦有網民分享指曾有上司為同事發起 Welcome 或 Farewell 午餐，結果竟要求全部出席的同事夾錢，網民又指同事會答應出席聚餐也只是應酬他而已，若本身關係好則會私下約，逼同事夾錢的行為令人感到討厭。
公司預少份量屬正常？ 網民：成日食唔晒好浪費
不過有網民認為這類公司派對，重點不是食物，而是同事之間的聯誼，而大多公司派對叫了很多食物，但每個人最後都食得不多，每次最終都會造成浪費，希望樓主不要太認真。
有什麼聖誕好去處推薦？
聖誕當然不可不去 商場聖誕擺設 及 9大巨型聖誕樹 及 聖誕燈飾 打卡，包括 西九文化區 和 K11 MUSEA 聖誕樹，適合情侶及與朋友、家人、小朋友一同感受濃厚浪漫聖誕氣氛！聖誕市集方面，可看 聖誕市集2022，其中不得不去 D2 Place 和 赤柱美利樓。
有什麼聖誕禮物推薦？
建議可選擇實用類型的禮物，GOtrip整合一系列聖誕禮物提案，包括HK$500、HK$300、HK$200、HK$100內，即睇：聖誕禮物推薦。另外，與朋友派對時絕不可以缺少 聖誕蛋糕 增添節日儀式感。
