老闆極大聲怒罵下屬震爆耳膜
有網民在Facebook專頁奴工處上發文，由於團隊未能達到當月績效指標，所以老闆就捉了全部人「照肺」，在開會期間大聲怒罵下屬，當中內容也是不停重覆。作為下屬被鬧自然只好默默受氣，突然間，有一個同事表示耳仔好痛，主動向老闆說希望可以降低聲量，「火遮眼」的老闆當然不理會，繼續大聲鬧。第二日，耳仔痛的同事決定求醫，發現其中一邊耳膜穿了，估計與前一日老闆的大聲怒罵有關。得知消息的老闆害怕同事會告知 HR，令事件「搞大」，於是買了禮物，又祝他可以早日康復。
網民一致支持搵 HR 報工傷
事件引來不少網民討論，一致支持該同事搵 HR 報工傷，有人提醒如不及早通知公司阿頭有機會「唔認數」，留言指「要搞大佢，成team人食粥食飯都睇佢了」、「玩大啲，報埋職業性失聰，然後再入紙民事告佢」、「梗係成班一齊去報，講埋情緒困擾，幻聽，聽覺有問題…」、「阿頭有咩好驚啫，個同事一定會報HR㗎啦。唔報邊度有得Claim呀，唔通為左阿頭事後既「關心」而自己俾錢醫咩」。
