龔sir，之前睇完你分享舊女友個post 我都想分享下我身邊既case情況同你有啲似。
我朋友今年35，大約8年前左右, 佢比當時既女友飛左，嫌我朋友唔夠上進，一個月只搵~15k又唔儲錢，覺得同佢冇將來，最後嫁左比個有錢人。
加上我朋友既父母開始年紀大，身體變差 呢2件事加埋激發左佢發奮動力，佢反省左自己，話要改善生活，之後佢開始少聯絡我，我同佢大約幾個月先見一次。
直到上年，佢講左個秘密我知，原來佢呢幾年，創業同投資搵到既錢 已經有8位數，佢亦成為左千萬富翁！下個目標係40歲成為億萬富翁！
佢只用左8年時間由0開始， 我真心覺得佢好勁。
呢單野令我明白， 好多時我地唔係能力做唔到， 係冇迫自己去做釋放自己潛力，原來成為有錢人並非一年咁遙遠/冇可能的事！
龔成老師︰
無錯，其實有錢人，同我地一樣都係普通人。
佢地未必特別聰明、未必係有父蔭。純粹係佢地有目標和行動力，所以就比一般人成功。
所以，任何人都唔應該輕視自己，因為你只要肯付出，其實下一個成功的人，就會是你。
最大的關鍵係決定，我相信你朋友好有決心，其實好多事，我都都可以做到，但有決心的人不多，好多人，面對少少困難就放棄，因此，大目標，決心、堅持，往往是關鍵。大家都加油！
