港女決心年尾移民 與男友共識分手
相信大家近年都陸續送了不少親朋好友機，只因越來越多人決定離開香港，轉到海外的其他地方生活。早前，一位港女就在討論區上發文，直指自己「仲有半年到就會自己一個隻身移民」，雖然她有一個穩定交往而且深深相愛的另一半，卻因為對方堅決留在香港發展，未有移民打算，因而「我哋兩個最後共識決定分開」。
分手決定極度難過 羨慕1種情侶齊上齊落
要離開自己生活多年的地方已經雖然很大的勇氣，加上與男友對未來的規劃不一致，因而忍痛分開令發文者極度難過，她坦言「自己對移民係好有決心，但對於要分離真係傷心欲絕」，又感慨道「人就係要不停做取捨」。她又坦言自己其實很羨慕身邊的1種情侶，「身邊朋友都係一對對咁走，人在異地可以有好直接的陪伴，可以兩個人一齊去面對」，而她則要孤身一人上路。
網民力撐分手決定：唔好阻住自己
雖然發文者對移民的去意已決，但就想「睇下大家有冇經驗或者提示俾到我，一齊傾吓」，而她的無奈和唏噓亦引來大批網民熱議，有網民認為「自己一個移民，好快頂唔順回流架啦」，惟大批網民就力撐發文者分手的決定，直指「道不同不相為謀」、「證明佢唔係啱嗰個，快啲散唔好阻自己」、「2個人一齊從來都係小事靠溝通靠磨合，但大方向一定要一致」、「你地是但一個就對方，如果無變得更好，未來都只會不斷埋怨對方直到永遠」、「而家咁分左手好過到直頭去到憎恨既地步先散啦」。
