港人移民與打機網友做「室友」 私下取笑對方係「傻仔」：乜都唔識
事主表示室友是自己在香港打機時認識的，至今已經相識4年，湊巧二人一起出國讀書，於是決定合租做室友。惟二人同居後，事主發現對方與自己相處不來，大數對方「零生活技能，乜都唔識，淨係識讀書」，更直指對方「係個傻仔」。於帖文中提到對方「一係就拎我D嘢用完唔出聲，我見到先同我講」、「一係就冇手尾，永遠都留返D嘢係度等人執」，完全不懂得與人相處。雖然曾與對方討論此事，但依然沒有得到改善。
與新識朋友齊玩杯葛 沾沾自喜分享「手段」
由於生活上的瑣事不和，事主與其他朋友另起新群組一起打機和玩樂，完全排斥該名室友，甚至「每日喺度講佢D嘢笑X佢」、「每次WhatsApp同Inbox都cap圖放晒上群度笑佢」等等。事主表示室友在新地方一個本地朋友都沒有，連香港朋友也不想理會他，以他所知對方每晚打電話向家人哭訴指好想回港，好想死，指被同屋主和外人「夾埋嚟玩」。不過事主仍然大條道理，認為室友得罪人又不懂改善，還好意思投訴他人精神虐待。
室友曾道歉事主不領情：好後悔搵佢做Roommate
事主表示室友曾道歉想獲得他們原諒，但事主與朋友繼續一起取笑他，認為這個人對他們並不重要，對於有否改善亦不太重要，更直指：「真係好後悔搵佢做roommate」。他再補充指希望可逼到對方賠錢毀約，甚至搬離住所，或直接回港。事主更激動表示：「理得你咩感受，你要睇心理醫生要點係你問題，抵你死」！希望室友可以得到應有教訓，重新學識待人接物。
網民睇唔過眼鬧爆事主：識到你先係最大錯事！
帖文發出即引起迴響，一眾網民紛紛留言圍插事主行為，有網民直指「識到樓主就真係後悔一生」，有網民認為事主發文似「排擠完人好自豪咁晒命多過係警世」，認為事主欺負人但覺得自己才是受害者，但事主反駁自己沒有打他，不算上是欺負。網民此時亦不作退讓，再斥其為小學雞，指「言語欺凌都係欺凌嘅一種」、「你有不滿可以自己搬走，毋須玩杯葛恰人哋」。
