科學園驚現長方形三文魚壽司「劣食」 刺身比壽司飯更小
日前有網民於Facebook群組「香港壽司刺身關注組」帶圖發文，並在描述上寫上「哇呢個質素嘅三文魚壽司可以喺沙田科學園食到啊正」，帖文一出即引起大批網民恥笑！從圖片可見，這間於沙田科學園的餐廳所出品的壽司與平日大家在壽司店可以品嚐到的三文魚壽司有所不同。一隻黑色長碟上有4件三文魚壽司，但這4件三文魚壽司的壽司飯並不是呈橢圓形，而是長方形！而上面比壽司飯更小的三文魚刺身也被切得「三尖八角」，唯一的優點大概只有三文魚刺身的厚度尚算正常。
網民：嗰幾舊飯真係好科學！
網民見到相片中的怪異三文魚壽司都紛紛恥笑，並留言笑指「原來明將去咗科學園重開」：
【原來係數學題】「係咪分子料理？分子大過分母」
【果然係科學園出品】「因為科學，所以壽司飯好標準長方型，嗰幾舊飯真係好科學」
【做人要積吓陰德】「前世做咗咩錯事令我今世要食呢幾件嘢？」
【Handmade味濃】「舊飯完全好似係Daiso 12蚊嘅壽司模壓嘅，三文魚好似喺百佳買嘅三文魚刺身拆出嚟咁！其實係咪你屋企自己整㗎？好homemade」
【第三舊三文魚超迷你】「第三嗰舊，直頭可以將舊飯包住塊三文魚」
【科學園＝減肥勝地】「科學園係一個減肥嘅好地方，返咗三個月輕咗三磅，日日lunch頭痛唔知食乜好」
【打麻雀？】「三文魚壽司，開槓」
亦有網民搞笑為餐廳提出改善方法：「 其實可以將舊飯中間切開，三文魚放中間夾住，成舊三文治咁，即刻成件事會正咗好多，又有特色，話唔定好多人會即刻去叫一碟打卡，咁就殺出一條新血路！」
醒目網民發現圖片原出處 YouTuber試食報告：比想像中好食！
後來有醒目網民發現原來圖片的原出處是來自一對擁有1萬followers的飲食Youtuber「阿肥x阿呆-緣食慢活」11月9日於Faceboook專頁發布的帖文，而餐廳名為「梨滿園韓國料理」。而根據他們影片內的試食報告，阿肥指壽司飯非常大舊，而阿呆試食後覺得壽司飯比想像中好食，不過因為飯太大舊，只食到飯味；但阿肥則表示三文魚無鮮味，飯儘管外表濕潤，食落卻十分乾身，並不推薦。
