內地乘客搭的士要去「黃金海岸」　的士司機半路驚覺去錯地方：差啲又蝕水

早前一位的士司機在Facebook群組「的士司機資訊網 Taxi」分享一次誤會目的地的經驗，當日他在旺角彌敦道，接載了一位內地乘客，對方表示要去「黃金海岸」，但中途發現「唔對路」，才知道原來乘客要去皇崗口岸。

司機行到半路驚覺唔對路

司機駛至櫻桃街隧道時，突然感到不對勁，於是再次詢問內地乘客的目的地才發現自己誤解了。「問多一次，X！原來是要去『皇崗口岸』，好彩問清楚啫，如果唔係又蝕水。」

內地乘客無察覺　落車時更大方畀貼士

幸好司機及時發現誤解，最終到達皇崗口岸時，車費約為$288.5，與正常的$280至$330元相差無幾。然而，內地乘客毫不知情，離開時更慷慨地給了司機貼士，司機指：「仲畀貼士唔該前唔該後」。

根據Google地圖，由黃金海岸再出發到皇崗口岸的話，要多花 26分鐘，一共25公里車程。

同行司機分享相似經歷：去帶子即係去太子

帖文引來不少的士司機回應：「有一次聽到乘客要去深圳灣，一路傾多幾句才發現要去深水灣」、「你有無去過『帶子』（太子）呀」、「去『雞場』（機場）呀唔該」、「早幾年前搭的士去皇崗口岸，起身都去咗黃金海岸」等。不過有的士司指：「通常唔係講廣東話，我都叫佢畀個地址我睇」，避免去錯地方。