撰文：神仙b｜圖片來源：《Ghosts of Girlfriends Past》、《Delivery Man》劇照｜編輯：海月、Bonita ｜原文刊於《新Monday》
24歲男怕亂倫唔拍拖
一名美國24歲男子，自小就知道自己是母親以「精子銀行」的冷凍精子，作人工受孕後生下的孩子。不過，自己就一直都很想知道自己生父的身分，於是自2018年開始，他就進行DNA測試，為求尋找到自己親生父親。最後卻發現一個驚人秘密。
驗DNA尋親發現生父捐精500次
該名男子叫Zave Fors，來自美國俄勒岡州，現年24歲。而Zave經過調查後，驚訝發現自己的生父原來曾經捐精超過500次！而在調查後發現，估計自己至少有超過50個「兄弟姊妹」。
之後，Zave不斷透過DNA測試尋找兄弟姊妹，至今共成功找到8名兄弟姊妹，而且部分更住得相當近。而Zave找到的其中一個兄弟Daron，更是同校的師兄弟。雖然兩人唔熟，只係「hi bye friend」，不過事情發展就已經令Zave感覺到非常害怕。
原來Zave根本不清楚自己還有幾多兄弟姊妹喺佢身邊生活，更害怕會發生倫理問題，令佢唔敢隨便談戀愛。Zave對交友app或網戀更是完全不敢接觸，Zave表示：「因為用交友app只可以睇到異性照片，根本唔知對方會唔會有血緣關係，更加唔可能次次都求女方去做DNA測試。」
雖然有網民認為男子擔心太多，喺網上或者交友app遇上兄弟姊妹的機率不高。不過Zave就唔係咁睇，佢覺得即使人們說意外亂倫的可能性很低，自己仍然很擔心，所以惟有繼續單身。
