琴行新分店推優惠價 惹舊客不滿
有琴行老闆在「生仔要考牌系列」Facebook 專頁投稿，指兩年來一直被一位野蠻客人騷擾。事緣這位琴行老闆生意不俗，數年後在同區再開設了分店，為了慶祝新店開張，他決定舉行為期一個月的優惠活動，望以優惠價吸引新客，建立口碑，而活動反應不錯，也有家長推介給朋友報名。
直到有一天晚上，事主在準確收工時，一位舊生家長奪門而入，殺氣騰騰地盤問：「喂！你而家學費咩價？！點解同一級程度，你哋平咁多！你黑店嚟㗎！回水！」，原來這位家長在朋友口中得悉朋友享有優惠價，心感不忿，於是要求老闆回水，並要求以後都可享有優惠價。對於無理投訴，事主維持禮貌態度應對，他耐性解釋因為其他人在優惠期間於分校報名，所以享有優惠價，但家長卻怒指：「你有冇見過麥當勞會間間優惠唔同？」，怎知道事主回覆：「麥當勞又真喺有啲分店唔同價錢㗎喎，你知？」，面對意外的回覆，家長無言以對，便生氣地離開了琴行，自此便沒有再出現，小朋友也沒有繼續在琴行學琴。
餐廳食飯再偶遇 被待應1句KO
正當事主以為事件完結之際，竟然在餐廳偶遇野蠻家長，正正坐在隔離位，事主惟有抱著「我唔尷尬，尷尬就喺人哋」的心態用膳，但家長突然主動問侍應，並將目光停留在事主身上：「我叫A餐，人哋又叫A餐，點解唔同價㗎？」，待應看了看事主所點的餐，回覆：「人哋下午茶，你午餐，咪唔同價囉」，事主和同事聽後也忍俊不禁，家長用餐期間亦不斷投訴以表不忿。往後家長每次行經琴行門口都會大大怒罵「黑店」，情況維持了大約兩年，直到疫情開始不見身影。
家長兩度被KO 引網民爆笑
網民均認為家長對「期間限定優惠」有誤解，無理投訴及胡亂舉例十分丟架，事主及侍應的反擊大快人心，指「以前山頂間麥記都貴過其他地方，有乜咁出奇。」、「疫情之後無再出現，可能去咗西方」、「唔好話麥當勞啦，超級市場唔同地方唔同價錢」、「呢啲家長，走咗要開香檳慶祝」、「用緊手提電話plan都個個唔一樣架啦」。
