情侶帶狗狗到餐廳戶外座位用餐
日前有女網民向Facebook專頁「生仔要考牌系列」投稿，她表示自己平日與男友帶狗狗外出吃飯時，因為要坐室外，大部分人行站時都會望一望狗狗，只是有少部分人會動手去撩 / 摸狗。她坦言在用餐時並不希望有人打擾，至於想要狗狗乖乖坐在身邊就必須要無人搞狗狗：「當有人撩佢，佢就會郁，係好正常嘅行為」。但如果狗狗一動就要重新安撫牠坐下，「你唔可能唔理佢，你就又要安撫佢坐低，就好似小朋友食飯郁嚟郁去咁」，所以當有人在他們用餐時撩狗狗，她都會禮貌哋表示：「我哋食緊飯，食完飯再同你玩呀！」
港媽未經同意亂摸狗狗惹怒飼主
然而最近她卻遇到一位「真係好煩」的港媽，該名港媽帶著行都未行得穩的小朋友，「要個阿媽兩隻手扶住行，問都冇問之下就行過嚟想摸隻狗」。而事主與男朋友就禮貌地表示：「食緊飯，食完再同你玩呀。」但該名港媽卻完全無視繼續摸，事主便主一氣下抱起狗狗，同時表示「隻狗咬人㗎，唔好摸呀！一陣整親你個B」！
港媽無禮反嘲：你隻狗咁巴閉就唔好帶出街啦！
而港媽見事主燥底，才表示小朋友好想和狗狗玩，「可唔可以畀佢哋玩下？」聞言的事主當然直接拒絕，並解釋自己正在用餐，狗狗如果一直動來動去，會影響到他們食飯。豈料港媽竟然不識趣地反嘲：「玩下都唔得，你隻狗咁巴閉就唔好帶出街啦！」但事主卻看出小朋友其實並不想與狗狗玩，單純只是被被媽媽拉過去玩。
男友聞言直接火滾炮轟：係咁巴閉呀，走開呀，阿姐！
原本全程沒出聲的事主男友，一聽到港媽這句說話後直接大暴走，火滾地大罵：「煩夠未啫，咪話咗食緊飯唔想玩囉！係咁巴閉呀，走開呀，阿姐！」而一直在旁玩手機的港媽老公才走過去拉走老婆。她事後表示，任何人都應將心比己，「你食飯會唔會想有啲陌生人過嚟搞住你個仔？仲要又要摸佢又剩？擺到明食緊飯，而且都出埋聲講食緊飯，就自重人重啦！」
網民：帶出街就要畀人玩嘅話，玩你得唔得呀阿姐？
投稿被公開後，不少網民都指出港媽十分無禮，並認為摸狗先詢問狗主是基本禮貌，「始終唔係隻隻狗都肯俾人摸，至少問咗狗主先」、「又可以保障大家，邊個受傷都唔好啦」、「如果帶出街就要畀人玩，咁就可以玩返佢個仔，甚至係嗰位阿姐」。
我個女又係勁鐘意狗，大狗細狗都唔驚。但作為老母親嘅我都會驚主人唔鐘意/影響人地。好多主人都好好話唔介意摸下同狗狗玩，但都要識做摸兩下就say goodbye唔好阻到人！最重要要識睇人眉頭眼額。
同時有人指出部分狗狗的確不喜歡被陌生人摸，擔心小朋友私自摸狗後出現意外：「最怕嗰啲唔睇住自己小朋友跟住話人哋隻狗咬佢，貓抓佢呢班怪獸家長」、「好多老母會帶啲小朋友去搞啲店貓店狗，人哋瞓緊覺都搞，好多時見貓狗都已經避開，佢哋都仲要追，等陣咬到抓到又喊打喊殺！」
