煙草稅增加32%！港人提議1類人北上買　計埋車費$20有找　網民：突破盲點！

煙草稅煙稅狂加至過百元包 呢1類人北上買最有著數？

財政預算案結束後，就有網民在Facebook群組「在咁都得の千奇百趣」中發帖文表示：「其實老人家搭兩蚊車去蓮塘買包煙，10幾蚊返返嚟，$20都唔使」，此提議引起不少網民討論，有人認為樓主突破盲點，紛紛表示：「今次真係『家有一老，如有一寶！』」、「去老人院叫阿伯幫你帶由開關帶到收關，一包加返10蚊比佢」、「新興職業，打造長者高齡就業化。」、「以後約埋三五知已，垃圾帶返大陸揼，食完包煙先返落黎」

不過更多網民就認為根本就多此一舉，甚至有機會犯法：「你講到好似時間唔係成本咁樣」、「山長水遠淨係可以帶19支」、「好似要離港24小時才可以免稅」、「唔俾人捉，買1條都得，俾人捉，未夠24小時，1包都唔得！」、「未返到屋企都無左一半」。

值得一提，香港海關資料顯示，凡年滿18歲的旅客，可以免稅攜帶19支香煙產品進入香港，供其本人自用，而每1,000支香煙應繳稅2,506元。 根據《應課稅品條例》第17（6），管有應課稅品的最高罰款為100萬元、最長監禁2年。