盤點10句澳門人覺得難聽說話
該名網民在Threads上發帖，盤點10句身為澳門人覺得難聽的說話。
- 原來你哋澳門有機場
- 你就好啦，年年有錢派
- 澳門人日日食咀香園
- 澳門人個個做荷官
- 人均存款90萬
- 點解澳門咁多分體冷氣機
- 原本澳門係寫繁體字
- 澳門人要放下身段
- 澳門人係咪識講葡文
- 我俾港紙，做咩你唔找返港紙俾我
惹兩地網民熱議 澳門人負責銼大dee派錢？
帖文發佈後隨即兩地網民熱烈討論，有不少澳門網民留言列出其他容易「激嬲澳門人」的句子，亦有香港網民留言發問求解答。
其他容易「激嬲澳門人」的句子
有不少澳門網民表示有共鳴，同時留言列出其他容易「激嬲澳門人」的句子：「澳門人日日食豬扒包」、「外國留學，同fd玩銼大dee，實有香港fd話：派牌梗係交畀澳門人啦」、「原來澳門都睇到tvb」、「乜澳門唔係用人民幣嘅咩？你哋回歸咗㗎喇嘛。」、「你就好啦，有葡國護照」。
香港網民留言發問求解答
另外，亦有不少港人留言問澳門網民「『澳門有無娛樂圈？』呢句會唔會？」、「真心第10個唔係好明，係咪因為啲舖頭有時會唔夠港紙？」、「認真想知道，澳門人係唔係冇乜娛樂？」、「年年有錢派唔好咩，香港人好羨慕！」、「唯一唔明嘅係點解9會覺得難聽」。
4類說話激嬲澳門人！香港人特別鐘意單單打打？
事實上，幾年前流行過的「一句激嬲乜乜乜」的潮語中，就曾經有個針對澳門朋友而設的「一句話激親澳門人」大賽，挑戰大家的底線，入圍作品可算是「歷久常新」，如今重看依然十分有共鳴，大致可以分為以下4大類。
1.「常識是零」系列：
有時寧願被遺忘，因為遇著以下問題，絕對是「答都費事」：
澳門人咁潺架，周街都係藥房！
香港人應該最能理解，發展失衡就會造成此局面！
澳門人識寫繁體？
澳門由政府到民間都依然在使用正體中文。
澳門人唔係講葡文嘅咩？你廣東話好叻啊！
澳門人係咪用葡文/普通話溝通？
新一代澳門人其實並不擅長葡文，即使在殖民時期的澳門官校，葡文亦非必修；就算大家都做過殖民地，香港人都不會字正腔圓講英文啦！
原來澳門都有高樓大廈㗎？乜唔係全部都係木屋咩？
不要被電視劇誤導！以為澳門除了賭場，就只得棚屋和漁排！
2.「地理白痴」系列：
或者澳門地方不大，有人覺得存在感薄弱，不過曾有台灣朋友將港珠澳混為一談，確實是百辭莫辯：
「你哋去路環同路氹係咪要用回鄉證㗎？」
其實想遊客分清路環和氹仔已經好困難，不過都不要提早將路氹割讓給珠海吧！
「你們在香港哪一區？澳門？是屯門旁邊嗎？」
過往有不少旅客亦常常將澳門視作香港的附屬品，不知未來會否有人當作澳門是橫琴衛星市鎮！
「你哋過嚟係咪要搭飛機㗎？」
「你哋去邊都要坐船係咪好麻煩？」
廣東朋友經常問澳門朋友如何上廣州，每次Macau Fan都好想回答：「係行路嘅！好唔好？」
3.「港燦大_晒」系列：
早在陸客進佔之前，香港人大爺般的旅遊態度早就為澳門人所詬病：
「呢個係咪澳門幤價錢？」
到訪的地方是澳門，加上明明寫著MOP，難道澳門是使用美金嗎？
「香港同澳門有時差嗎？」
香港人一入賭場就賭到天昏地暗，相信到澳門不但有時差，可能「連阿媽都唔認得」！
4.「憤怒的葡萄」系列：
香港人不時用政府派錢一事來「單打」澳門朋友，由初期借勢埋怨香港政府不派錢，到後尾反過來覺得澳門政府專養懶人。其實兩個特區政府，沒有誰比誰懂得管理，就算派錢都不等於澳門人生活過得好輕鬆。
「澳門人唔捱得，人工咁高；喺香港請過個都唔使咁貴，仲唔使畀OT錢！」
難度到香港開店捱貴租就代表好嗎？
「幾好呀，你哋唔洗做，每年就有政府派錢…」
派錢不代表不需要工作，街上超多人，一個午飯都要半百元，派少少糖被無大作用！
「澳門人有幾耐風流有幾耐折墮！」
澳門人收錢得罪人嗎？（其實香港政府都有派錢了）
不過在芸芸投稿作品中，其中一位網友Ivan Ho意見，可能才算最反映到澳門人的性格：
我相信真正澳門人係唔會被激到的，只有新移民居民才會被氣到、才會令港澳大戰，因為他們不懂將心比心，真正澳門人懂得將心比心，了解別人感受！～Ivan Ho
