港鐵內地女威脅阿婆讓座：「小心我動手」
透過影片中見到，一名身穿紅色外套的內地女士抱著一名女孩坐在近車門的座位上，不斷要求身旁身穿灰色外套的老婦讓座給女孩，老婦反駁：「嗌我行開畀佢（內地女同行小朋友）坐喎，點解俾你坐啊？」但內地女士繼續出言不遜要求讓座，批評：「就是妳太吵」、「妳媽怎麼教妳啊？」，此時老婦又駁稱：「使唔使你哋霸晒先輪到香港人坐啊？識唔識咩叫香港人優先啊？」。
阿婆霸氣講2隻字KO獲網民大讚
其後二人不斷發生激烈口角，內地女士甚至出言恐嚇「再廢話小心我動你手」，而老婦則霸氣回應「點啊？」，直到女孩嚇得大聲嚎哭，二人才靜下來不再嘈交。
網民鬧爆：教壞細路！
影片隨即在社交媒體上瘋傳，據了解該影片早於2016年已流傳，不過近日再度翻hit，引來網民熱烈討論，不少網民都支持老婦的做法，並批評內地女士的行為「點解佢（內地女）自己唔起身要1位老人讓位？」、「借小孩名義，自己坐低」、「雖然我覺得不是香港人優先，但個紅衣女人無權要人讓位畀你個小朋友坐」、「又想霸位，個小朋友喊嘈晒又唔落車，乜家教嚟」、「讓畀小朋友？佢自己就坐低但叫人哋讓佢小朋友坐都好搞笑下」、「其實隔籬都有少少位坐埋落去都冇問題，要位婆婆起身畀佢坐就有啲過分，禮貌少少坐埋一齊都可以嘛！」、「教壞細路」。
